Mehman Hüseynovun anası xəstəxanada ölüb

Vəkil: ''Oğlunun dəfnə buraxılması ilə bağlı müraciət hazırlayacağam''

İki il azadlıqdan məhrum edilən bloger Mehman Hüseynovun anası Firəngiz Hüseynova avqustun 6-da gecə saat 1-də vəfat edib.

Məlumatı Meydan TV-yə vəkil Şəhla Hümbətova verib.

O, xəbəri gecə aldığını bildirib:

"Neftçilər Xəstəxanasına çatanda artıq Firəngiz xanım ölmüşdü. Mehman Hüseynovun dəfnə buraxılması ilə bağlı müraciət hazırlayacağam. Hazırda xəstəxanadayam, ölüm sənədini alıb, Qaradağa, 14 saylı Cəzaçəkmə Müəssisəsinə getməliyəm. Nədənsə arayışı gecikdirirlər”.

M.Hüseynov 2017-ci il martın 3-də Suraxanı Rayon Məhkəməsinin hökmü ilə 2 il azadlıqdan məhrum edilib.

O, polisə böhtan atmaqda günahkar bilinib.

Mehman Hüseynov çəkdiyi videolarda hökumətin gördüyü işləri tənqid edib, yüksək vəzifəli şəxslərin, deputatların olduğu deyilən mülklər barədə süjetlər hazırlayaraq sosial şəbəkələrdə yayıb. O, həbsinin bloger fəaliyyəti ilə bağlı olduğunu bildirib.

Beynəlxalq qurumlar blogerin həbsini söz, ifadə azadlığının məhdudlaşdırılması kimi dəyərləndirir, onun azadlığa buraxılmasını tələb edirlər

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/qfxqnw

Ən çox baxılan