Haşim Taçi

Mənbə: google.az

Başlıq: Haşim Taçi

Kosovo prezidenti istefa verib

Haşim Taçi ittiham edildiyi cinayət əməli təsdiqini taparsa, istefa verəcəyini söyləmişdi

Kosovo Prezidenti Haşim Taçi istefa verib. Səbəb müharibə cinayətlərində suçlanmasıdır.

CNN yazır ki, Haşim Taçi istefasını noyabrın 5-də keçirdiyi mətbuat konfransında açıqlayıb. O, bu addımı vədinə uyğun olaraq atdığını deyib. Prezident daha öncə ittiham edildiyi cinayət əməli təsdiqini taparsa, istefa verəcəyini söyləmişdi.

Haşim Taçi konfransda Kosovo xalqını sakit olmağa çağırıb:

"Mənə inanan və 30 illik azadlıq, müstəqillik və dövlətqurma səylərimizdə yanımda olan, dəstəkləyən hər kəsə öz və ailəm adından təşəkkür edirəm", - Haşim Taçi bidirib.

O, Kosova vətəndaşlarını ümidlərini itirməməyə və ölkənin son 30 ildə qazandığı azadlıq, müstəqillik və dövlət quruluşu barədə düşünməyə çağırıb. Haşim Taçi özünə və yoldaşlarına qarşı açılan ittiham aktını "Kosovonun azadlığı və quruluşu üçün ödənilən kiçik bir hesab" adlandırıb. Sonra vəzifəsindən istefa etdiyini elan edib.

Taçi Haşim Kosovo Azadlıq Ordusunun (UCK) komandirlərindən olub. Bu etnik alban partizan qrupu 1998-99-cu illər müharibəsində Belqrad qüvvələrinə qarşı vuruşub.

Xüsusi Prokurorluq Taci və digər şübhəliləri “100-ə yaxın qətl”ə, eləcə də “insanların məcburi yoxaçıxması, təqibi və işgəncə görməsinə” görə məsuliyyət daşıdığını bildirir.

İddia olunan cinayətlərin Kosovo albanları, serb, roma və digər etniklərdən, siyasi opponentlərdən yüzlərlə qurbanı olub.

Haşim Taçi indiyədək hər hansı hərbi cinayətdə əli olmadığını bildirib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/vr1p6a

Ən çox baxılan