Personajla bağlı yeni film və serialın çəkilişi planlaşdırılıb
Fransa ədəbiyyatı və kinematoqrafının personajı “Fantomas” haqqında yeni film, eyni zamanda da serial çəkiləcək.
Franşizanın (silsilə film) hüquqları prodüser Vasim Beji tərəfindən alınıb.
Serial və filmin çəkiliş və nümayiş vaxtı hələ ki, açıqlanmır.
1911-ci ildə fransız yazıçılar Marsel Allen və Pier Suvester tərəfindən yaradılmış “Fantomas” fantastik personajdır.
Obraz yazıçıların 32 romanında yer alıb.
Kitablar nəinki bulvar romanı sevənlərin, hətta mədəni və intellektual elitanın, xüsusən də sürrealistlərin diqqətini çəkə bilib.
Böyük marağa səbəb olan “Fantomas” haqqında ilk beş hissəli səssiz filmi 1913-cü ildə Lui Feyad ekranlaşdırıb.
İlk “Fantomas”ı aktyor Rene Navar canlandırıb.
1960-cı ildən fransız rejissor Andre Yunibel “Fantomas” trilogiyasını ekranlaşdırmağa başlayıb.
Filmdə aktyor Jan Mare Fantomas və bir neçə obrazı canlandırıb.
Aktyor Lui de Fünes isə komissar Yuveni oynayıb.
Filmin premyerası 1964-cü ildə olub.
