Mənbə: Meydan TV

“Arqument.az”ın iddiası təmin olunmayıb

Saytın nazirliyə qarşı tələbi yerinə yetirilmədi

1 saylı Bakı İnzibati-İqtisadi Məhkəməsi “arqument.az” saytının Nəqliyyat, Rabitə və Yüksək Texnologiyalar Nazirliyinə qarşı qaldırdığı iddianı təmin etməyib. Sayt blonklandığına görə nazirlik məhkəməyə verilmişdi.

Bu barədə saytın baş redaktoru Şəmşad Ağa öz “Facebook” hesabında məlumat yayıb.

Baş redaktorun sözlərinə görə, proses dekabrın 24-də baş tutub:

“4 ay çəkən məhkəmə prosesi islahatın fışqırması nəticəsində belə sonuclandı“.

Şəmşad Ağa qərardan apelyasiya şikayəti verəcəklərini bildirib.

“Arqument.az” saytı bu ilin aprelində Cəlilabadda kartof rüsumuna etiraz edən fermerlərin aksiyasından sonra bloklanıb. Aprelin 8-10 tarixlərində ölkədə yayımı qadağan edilən sayta sonradan kiber-müdaxilə olunub.

Baş redaktorun sözlərinə görə, saytı bloklandıqdan sonra materialların silinməsi tələb olunsa da, bunu etməyiblər.

“Arqument.az” 2018-ci ilin avqust 8-də də Səbail Rayon Məhkəməsinin qərarı ilə bloklamışdı. Səbəb kimi saytda yayımlanan 2 yazı göstərilirdi. Həmin yazılar başqa saytlara istinadla verilmişdi və bütün tərəflərin mövqeyi əks olunurdu. Yazılardan biri Meydan TV-yə məxsus idi.

Bir neçə gün sonra isə Bakı Apelyasiya Məhkəməsi Səbail Rayon Məhkəməsinin qərarını ləğv etmişdi.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/k3cs6n

Ən çox baxılan