Ekran işi Modilyaninin Parisdəki 48 saatlıq həyatından bəhs edəcək
Amerikalı aktyor, kinorejissor Conni Depp yəhudi kökənli italyan heykəltəraş və rəssam Amedeo Modilyani haqqında bədii film çəkəcək.
Filmin prodüseri italyan əsilli Amerika aktyoru, rejissoru, ssenaristi Al Paçino olacaq.
Ekran işi Modilyaninin Parisdəki 48 saatlıq həyatından bəhs edəcək.
Çəkilişlər 2023-cü ilin yayında Avropada başlayacaq.
“Modilyaninin həyat hekayəsini ekranlara gətirmək mənim üçün böyük şərəfdir. Onun çox ağır həyat yolu olub, lakin sonda zəfər qazanıb. Bu, bütün tamaşaçıların eyniləşdirə biləcəyi universal hekayədir”, – Depp bildirib.
Yeni layihə Deppin sayca ikinci rejissor işi olacaq.
O, 1997-ci ildə “Cəsur” (“The Brave”) filmini ərsəyə gətirib.
