Şimali Koreya lideri Kim Jong Un və ABŞ prezidenti Donald Tramp

Mənbə: Meydan.TV

Başlıq: Şimali Koreya lideri Kim Jong Un və ABŞ prezidenti Donald Tramp

“ABŞ-ın Şimali Koreya gəmisini ələ keçirməsi Tramp-Kim danışıqlarını təhlükəyə atır”

Şimali Koreya rəsmisi çərşənbə axşamı deyib ki, Amerika Birləşmiş Ştatlarının onların yük gəmilərindən birini ələ keçirməsi iki ölkənin liderləri arasında keçirilmiş zirvə görüşlərinin ruhunu pozan qanunsuz hərəkətdir və tələb edib ki, gəmi gecikmədən geri qaytarılsın, - “Reuters” xəbər verir.

"ABŞ yük gəmisinə əl qoymaqla qanunsuz və çirkin hərəkət edib," - Şimali Koreyanın adı qeyd edilməyən rəsmisi bəyanatda bildirib.

Bu barədə Şimali Koreyanın rəsmi KCNA xəbər agentliyi məlumat verib.

"Son addım Şimali Koreyanı diz çökdürmək üçün ABŞ-ın "maksimum təzyiq" siyasi metodunun uzantısıdır və bu, iyunun 12-ə aid Şimali Koreya-ABŞ birgə bəyanatının təməl ruhunun açıq-aşkar inkar edilməsidir," - Şimali Koreya rəsmisi bildirib.

“Birləşmiş Ştatların Şimali Koreyaya güc tətbiq edə biləcəyinə inanması ən böyük səhv olardı,”- bəyanatda deyilir və əlavə edilir ki, Şimali Koreya ABŞ-ın gələcək davranışlarına kəskin diqqət yetirəcək.

ABŞ Ədliyyə Departamenti ötən həftə Şimali Koreyanın "Ağıllı Dürüst" adlı yük gəmisinin ələ keçirildiyini demişdi. Gəmi sanksiyaları pozaraq qanunsuz kömür daşımalarında günahlandırılır və ilk olaraq 2018-ci ildə İndoneziya tərəfindən tutulub.

Şimali Koreya lideri Kim Jong Un və ABŞ prezidenti Donald Tramp keçən il, iyunun 12-də Sinqapurda öncədən nəzərdə tutulmamış bir zirvə görüşü keçirdilər və Koreya yarımadasında yeni əlaqələr qurmağı vəd verdilər. Bu ilin fevralında Vyetnamda uğursuzluqla nəticələnən ikinci zirvə toplantısı keçirildi.

Razılaşma ilə sonlanmayan Vyetnam zirvəsindən sonra iki dövlət arasında yenidən gərginlik artmağa başlayıb. Şimali Koreya Amerikanın iki qısa mənzilli raketini cümə axşamı günü vurduqdan sonra ABŞ Koreya gəmisinin ələ keçirildiyini elan etdi.

Şimali Koreya lideri ABŞ-ın Şimali Koreya yük gəmisini ələ keçirdikdən sonra "tam döyüş mövqeyinə" çağırış edib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/qzqbvz

Ən çox baxılan