ÜST pandemiyanın həllini müzakirə edir

“Bu, düşünmək üçün vaxtdır”, – deyən Tedros ÜST-ə üzv ölkələrin may ayında yekdilliklə pandemiyaya qlobal cavabı qiymətləndirməyə çağırıb.

Foto: Ümumdünya Səhiyyə Təşkilatı (ÜST)


“Bu, düşünmək üçün vaxtdır”

Ümumdünya Səhiyyə Təşkilatı (ÜST) cümə axşamı günü deyib ki, COVID-19 pandemiyası və hökumətlərin cavabını müstəqil təşkil edilmiş paneldə müzakirə edəcək, – “Reuters” xəbər verir.

Yeni Zelandiyanın keçmiş Baş naziri Helen Klark (Clark) və Liberiyanın keçmiş Prezidenti Ellen Conson Sirlif (Johnson Sirleaf) panelə rəhbərlik etməyə razılıq verərək üzvlərini seçiblər. ÜST-ün baş direktoru Tedros Adhanom Ghebreyesus qurumun 194 üzv ölkəsinin nümayəndələri ilə virtual görüş keçirdiyini deyib.

“Bu, düşünmək üçün vaxtdır”, – deyən Tedros ÜST-ə üzv ölkələrin may ayında yekdilliklə pandemiyaya qlobal cavabı qiymətləndirməyə çağırıb.

İki gün öncə Tedros çərşənbə axşamı koronavirusun yayılmasının sürətləndiyini və pandemiyanın pik nöqtəsinə demək olar ki, çatdığını demişdi.

“Altı aydan çoxdur ki, milli birlik və qlobal həmrəylik iddiası danılmazdır”,- o deyib.

Tedros qlobal ölümlərin səviyyəsinin aşağı düşməsinə baxmayaraq bir çox ölkədə əslində ölüm hallarının artdığını deyib.

Bu həftə ÜST nümayəndələri Çinə səfər edəcəklər. Səfərin əsas məqsədi virusun insanlara necə keçdiyini araşdırmaq olacaq.

Ana səhifəDünyaÜST pandemiyanın həllini müzakirə edir