Источник: Orxan Əzim

Ukrayna Çernobılın yaxınlığındakı ərazinin UNESCO-nun siyahısına salınmasını istəyir

Статья обновлена:  16 Май 2021

Serialın nümayişindən sonra əraziyə gələn turistlərin sayı artıb

Ukrayna hökuməti Çernobıl Atom Elektrik Stansiyası reaktorunun partladığı otuz kilometrlik ərazini, həmçinin 1970-ci ildə salınan Pripyat şəhərindəki obyektləri UNESCO-nun Dünya Mədəniyyət Mirasları siyahısına salınmasını istəyir.

Dünya Mədəniyyət Mirasları siyahısı – UNESCO-nun Dünya Mirasları Komitəsi tərəfindən təyin olunub. Yaradılmasında məqsəd, dünyada olan mühüm obyektlərin qorunmasıdır.

Çernobıl Dünya Mədəniyyət Mirasları siyahısına salınması üçün öncə ölkənin mədəni, tarixi irsi kimi təsdiq olunmalıdır.

2019-cu ilin mayında ABŞ-ın “HBO” telekanalında yayımlanan beşhissəli “Çernobıl” serialı bütün dünyada böyük marağa səbəb olub. Rejissor Yohan Renkin tarixi dram janrında çəkdiyi film, 1986-ci il aprelin 26-da Çernobıl şəhərində Atom Elektrik Stansiyasının 4-cü enerji blokunda partlayış nəticəsində baş verən faciədən bəhs edir. Serialın 30 faizi Kiyevdə, qalan hissələri isə Litvada çəkilib.

Ssenari müəllifi Kreyq Meyzi miniserialda Çernobıl faciəsi ilə yanaşı, dövrün mövcud hakimiyyətinin yalançı təbliğatını da göstərmək istəyib. Bunun üçün o, 2,5 il ərzində arxiv materiallarını toplayıb. Tarixi mənbələrlə yanaşı, həmçinin Ukrayna əsilli belarus yazıçısı, ədəbiyyat üzrə Nobel mükafatı laureatı Svetlana Aleksiyeviçin sənədli nəsr janrında yazdığı “Çernobıl duaları. Gələcəyin xronikası” adlı kitabından istifadə edib.

Hazırda partlayış baş verən 4 saylı nüvə reaktorunun üzəri 360 min tonluq sarkofaqla örtülüb. Həmin əməliyyatda 129 nəfər Azərbaycan vətəndaşı da iştirak edib. Hadisə baş verən ilk aylarda isə qəza yerinə təxminən 7 min azərbaycanlı aparılıb. Ən son məlumatlara görə, Azərbaycanda 4594 Çernobıl qəzasının iştirakçısı yaşayır. Onların 90 faizindən çoxuna əlillik statusu verilib. Hazırda kateqoriyasından asılı olaraq, əlillərə aylıq müavinət kimi 100-150 manat pul ödənilir.

Pandemiyadan öncə Çernobıla səyahət edən turistlərin sayının məhz serialın nümayişindən sonra 40 faiz artdığı bildirilir.

Alimlərin gəldiyi qənaətə görə, Çernobıl ərazisində tam təhlükəsiz şəraitdə yaşamaq üçün təqribən 20 min ilə ehtiyac var.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Статья обновлена:  16 Май 2021
Bölmələr:  
Короткие линки:   http://mtv.re/3r262i

Самое читаемое