Источник: Meydan TV

Şəhərin mərkəzində unudulan bina

Şəhərin mərkəzində unudulan bina

Bura şəhərin mərkəzi - “Tarqovı“dır. Turistlərin ən çox axışdığı, Bakının ən baxımlı məkanının bir də görünməyən üzü var.

Tarixi 1880-ci ilə dayanan unudulmuş, uçuq-sökük bina yaşamaq üçün təhlükəli vəziyyətdədir. Fövqəladə Hallar Nazirliyi 2017-ci ildə bununla bağlı akt tərtib edib. Di gəl, 5 ailə üçün bura hələ də qoyub gedə bilmədikləri evləridir. Ancaq qəzalı vəziyyətdə olduğundan qalan sakinlər binanı tərk edib.

“Binada siçovullar, qurd-quş doludur. Yaşamaq mümkün deyil. Antisanitariyadır, milçək əlindən dayanmaq olmur. Amma məcburuq də, nə etməliyik? Hara gedək? Məcbur qalaraq belə bir vəziyyətdə yaşayırıq”, - bina sakini Fizzə Nəsirova deyir.

“Şəhərin mərkəzində - “Tarqovı“da yaşayırıq. Eldar Əzizov şəkillərə baxanda dedi ki, bura ki “Tarqovı“dır.Dedim, bəli, Eldar müəllim, “Tarqovı“dır. Həmin o “Tarqovı” ki, biz fəxr edirik, panoramasını bütün dünyaya göstəririk. Amma 23 ildir, şəhərin mərkəzindəki bina bu vəziyyətdədir”, - 30 ildir burada yaşayan Hidayət Rufullayevin sözləridir.

23 il əvvəl - 1997-ci ildə binada yanğın baş verib. Yanğın nəticəsində bina uçularaq qəzalı vəziyyətə düşüb. Xaricdən təmir olunsa da, içinə o vaxtdan əl vurulmayıb.

Hidayət Rufullayev 4 ildir qapı-qapı gəzərək Nəsimi Rayon İcra Hakimiyyətinə, Bakı Şəhər İcra Hakimiyyətinə, vitse-prezidentə ərizələr göndərib, binanın abadlaşdırılmasını istəyib. Ona Nəsimi Rayon İcra Hakimiyyətindən cavab gəlib ki, müvəqqəti olaraq qohum və tanışlarının evinə köçsün.

“Başım çıxmır o nə deməkdir. Mən ailəmi götürüm, hansı qohumun evinə gedib 23 il yaşayım?“, - Hidayət Rufullayev deyir.

Nəsimi Rayon İcra Hakimiyyəti sakinlərə bildirib ki, binanın sərəncamı əvvəl başqa MTK-larda olsa da, indi “Deluxe Palace” MMC burada tikinti həyata keçirəcək. “Deluxe” şirkətinin hüquqşünası Meydan TV-yə bildirib ki, köhnə binanın yerində yenisinin tikilməsi hələ gündəmdə yoxdur. Nə zaman olacağı da bəlli deyil. Sakinlərinsə 30 ildən çoxdur yaşadıqları yerdən - şəhərin mərkəzindən kənara köçmək niyyətləri yoxdur. Onlar qəzalı vəziyyətdə olan binalarının bərpa olunmasını istəyirlər.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Pазделы:  
Короткие линки:   http://mtv.re/1z4l4m

Самое читаемое