Pompeo və Lavrov

Источник: google.az

Оглавление: Pompeo və Lavrov

Pompeo və Lavrov ABŞ seçkilərinə müdaxilədə razılaşmayıb

Tərəflər qarşıdurmayla gərginləşən ikili münasibətləri yenidən qurmağa çalışıb

ABŞ dövlət katibi Mayk Pompeo (Mike Pompeo) Rusiyanı gələn il keçiriləcək ABŞ prezident seçkilərinə müdaxilə etməməyə çağırıb, - Azadlıq Radiosu xəbər verir.

Eyni zamanda, Rusiyanın xarici işlər naziri Serqey Lavrov Vaşinqtonun Venesuelada yeni hökuməti qurulmasıyla bağlı təzyiqini İraqdakı ABŞ müharibəsinə bənzədib.

Pompeonun və Sergey Lavrovun şərhləri mayın 14-də Soçi şəhərində təşkil edilən ortaq mətbuat konfransında qeyd edilib. Konfransda hər iki tərəf Rusiyanın ABŞ seçkilərinə müdaxiləsi iddiası, Ukraynada, Suriyada, Venesuelada və digər məsələlərdə davam edən qarşıdurmayla gərginləşən ikili münasibətləri yenidən qurmağa çalışıb.

ABŞ prezidenti Donald Tramp xüsusi məsləhətçi Robert Müllerin (Robert Mueller) istintaqının yekunlaşdığı bir vaxtda Moskva ilə əlaqələrin yenidən qurulmasına çalışır.

Tramp bu ayın əvvəlində Rusiyanın dövlət başçısı Vladimir Putinlə telefon danışığı zamanı istintaqı müzakirə edib. Mayın 13-də Ağ Evdə jurnalistlərlə görüşü zamanı o bildirib ki, gələn ay Yaponiyada keçiriləcək 20-ci qrup zirvə toplantısında Putinlə görüşmək niyyətindədir.

Mətbuat konfransından sonra Pompeo ilə görüşən Putin Moskvayla Vaşinqton arasında əlaqələrin "tam bərpa ediləcəyinə" ümidli olduğunu qeyd edib və o, Trampın da bu yolda irəlilədiyini düşündüyünü söyləyib.

Putin eyni zamanda deyib ki, 2016-cı ildə ABŞ-dakı prezident seçkilərinə Rusiyanın müdaxilə etməsilə bağlı heç bir sübut tapılmayıb. O, Müllerin instintaqını məth edib. Lakin eyni zamanda Trampı iddialar qarşısında müdafiə etməyib.

Putin istintaqı "olduqca obyektiv" adlandırıb.

"Biz bir çox dəfə demişik ki, əlaqələrimizi tam şəkildə bərpa etmək istəyirik. Ümid edirəm, bunun üçün lazımi şərtlər yaradılacaq," - Putin deyib.

Kremlin köməkçisi daha sonra deyib ki, rəsmi bir təklif olarsa, Putin Tramp ilə görüşə açıqdır.

Yuri Uşakov Putinin Pompeo ilə keçirdiyi görüşdə heç bir irəliləmə müşahidə edilmədiyini, görüşün sadəcə iş atmosferində baş tutduğunu söyləyib.

Lavrov təxminən üç saatlıq danışıqlardan sonra keçirilən mətbuat konfransında Moskvanın Tramp-Putin görüşünə açıq olduğunu söyləyib, amma bir planın olduğunu təsdiqləməyib.

Lavrov hər iki ölkə "şübhə və ön mühakimələri" yıxmalı və "yeni konstruktiv çərçivə qurmağa başlamalıdır," - deyib.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Pазделы:  
Короткие линки:   http://mtv.re/0fmnwk

Самое читаемое