Peyvəndləmə

Источник: Meydan TV

Başlıq: Peyvəndləmə

Peyvəndləmə prosesinə görə daha bir xəstəxana ilə bağlı cinayət işi başlandı

Xəstəxananın məsul şəxsləri portala peyvəndlə bağlı yanlış məlumat daxil etməkdə şübhəli bilinirlər

Son bir həftə ərzində koronavirusa qarşı mübarizə tədbirləri zamanı pozuntularla əlaqədar xeyli tibb müəssisəsi və onun rəhbərləri, əməkdaşları haqqında cinayət işi başlanıb. Həm cinayət məsuliyyətinə cəlb olunanlar, həm də inzibati qaydada cəzalandırılanlar var.

Baş Prokurorluğun mətbuat xidmətindən Meydan TV-yə bildirilib ki, vətəndaşların şikayəti əsasında 18 saylı Birləşmiş Şəhər Xəstəxanasıyla bağlı da Korrupsiyaya qarşı Mübarizə İdarəsində Cinayət Məcəlləsinin 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələrilə cinayət işi başlanıb.

İttihama görə, xəstəxananın vəzifəli şəxslərilə tibb qeydiyyatçıları müvafiq informasiya portalına bir sıra vətəndaşların guya COVİD-19 əleyhinə peyvənd olunmaları barədə yalan məlumatlar daxil edib, başqa zəruri sənədləri hazırlayıblar. İddia olunur ki, onlar bu addımı həmin şəxslərdən aldıqları pul müqabilində atıblar.

“Hazırda cinayət işi üzrə əhəmiyyət kəsb edən halların, cinayətlərin törədilməsində hər hansı formada iştirak etmiş digər şəxslərin müəyyənləşdirilib məsuliyyətə cəlb edilməsi üçün tədbirlər davam etdirilir”, - prokurorluqdan bildirilib.

Son bir həftə ərzində TƏBİB-in tabeliyindəki “Yeni klinika”nın rəhbəri Pərviz Abbasov, Fövqəladə Hallar Nazirliyinin (FHN) Modul Tipli Hospitalının baş həkimi İmran Ağayev, Sabirabad rayon Mərkəzi Xəstəxanasının şöbə müdiri Fazil Əliyev, 14 nömrəli Bakı Şəhər Xəstəxanasının Xəzər rayon dairəsinin tibb bacıları və digərləri məsuliyyətə cəlb olunub.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Bölmələr:  
Короткие линки:   http://mtv.re/s5wj7p

Самое читаемое