Ötən il terrorda ölənlərin sayı azalıb

Bakı

Bakı

Azərbaycan terrorçuluq indeksində 98-ci yerdədir

2017-ci ildə dünyada terrorçuluq nəticəsində ölənlərin sayı 27 faiz azalıb, ən böyük azalma İraq və Suriyada baş verib.

“Qlobal Terrorçuluq İndeksi 2018” hesabatında belə deyilir.

Hesabata görə, 94 ölkədə durum yaxşılaşıb, 46-da pisləşib. Bu, 2004-cü ildən bəri qeydə alınmış ən yüksək göstəricidir (Tərcümə Azadlıq Radiosunundur).

Terror aktlarında həlak olanların sayı İraqda 5 min, Suriyada isə min nəfər azalıb. Bunun əsas səbəbi İslam Dövləti (İŞİD) silahlı qruplaşmasının məğlubiyyəti ilə izah olunur.

2017-ci ildə İŞİD-ə bağlı terror hücumlarında ölənlərin sayı 52 faiz azalıb. Ancaq yenə də İŞİD dünyada ən çox ölümə səbəb olan terror qrupu sayılır. İŞİD tutduğu ərazilərin böyük hissəsini gəlirlərinin, demək olar, hamısını itirib və bu da özünü hər hücumda ölənlərin sayının azalmasında göstərib. İlkin məlumatlar bu tendensiyanın bu il də davam etdiyini göstərir.

Qərbi Avropada isə terrorçuluğun miqyası 52 faiz azalıb. Fransa, Almaniya və Belçikada terrorçuluqdan ölənlərin sayında kəskin azalma var. Ötən il terror hücumlarında 81 nəfər, 2016-cı ildə isə 168 nəfər həlak olub. Bu ilin oktyabrınadək cəmi 8 nəfərin teraktlarda həlak olduğu bildirilir.

Amma Qlobal Terrorçuluq İndeksi terrorçuluğun hələ də geniş yayıldığını, bəzi regionlarda durumun lap pisləşdiyini qeyd edir.

Yaxın Şərq və Afrikada 5 ölkədə – Əfqanıstan, İraq, Nigeriya, Somali və Suriyada terror hücumlarında mindən çox, 19 ölkədə isə 100-dən artıq ölüm halı qeydə alınıb.

Terror hücumlarına məruz qalma reytinqində Azərbaycan 163 ölkə içində 98-cidir, terrorçuluq indeksi 0,96-dır. Ötən il bir insidentin baş verdiyi, ölüm halının qeydə alınmadığı, iki nəfərin xəsarət aldığı bildirilir.

Azərbaycana qonşu ölkələrdən Ermənistan 83, Gürcüstan 89, Rusiya 34-cü yerdədir. Bu reytinqdə pillənin yüksəkliyi durumun yaxşı olmasını göstərir. İraq 1, Əfqanıstan 2, Türkmənistan 138-cidir.

Ötən il terrorçuluqdan ən çox ölüm Somali və Misirdə baş verib. Somalidə bir hücumda 587, Misirdə 311 nəfər həlak olub. Somalidə 2016-cı illə müqayisədə ötən il terrorçuluqdan ölüm halları 93 faiz artıb.

Şimali Amerika və Qərbi Avropada ifrat sağçı siyasi terrorçuluğun yüksəldiyi vurğulanır. 2013-2017-ci illərdə bu regionlarda ifrat-sağçı qruplar və fərdlər 66 nəfəri öldürüb, 127 hücum törədib.

Terrorçuluğun miqyası kiçildikcə, qlobal iqtisadi təsiri də azalmaqdadır, ötən il 42 faiz azalaraq 52 milyard ABŞ dollarına bərabərləşib.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Pазделы:  
Короткие линки:   http://mtv.re/jbv6vj

Самое читаемое