Источник: Facebook

NİDA üzvünün “Bandotdel”ə aparıldığı deyilir

NİDA Vətəndaş Hərəkatının üzvü Fərrux Məmmədzadə saxlanılıb. Bu barədə gənc fəalın atası Şakir Məmmədzadə məlumat verərək bildirib ki, oğlunu polislər avqustun 4-də axşam saat 20 radələrində Lənkəranda evdən aparıblar. Amma ailə üzvlərinə F.Məmmədzadənin niyə aparıldığı, hansı iş üzrə dindiriləcəyi haqda heç bir məlumat verilməyib.

Ş.Məmmədzadə deyir ki, avqustun 5-də Lənkəran Rayon Polis Şöbəsində onlara Fərruxun Bakıya – “Bandotdel” kimi tanınan Baş Mütəşəkkil Cinayətkarlıqla Mübarizə İdarəsinə aparılması barədə məlumat veriblər. Amma yenə də hansı səbəbdən saxlandığı açıqlanmayıb.

NİDA Vətəndaş Hərəkatı F.Məmmədzadənin tutulması barədə yaydığı açıqlamada baş verənləri onun ictimai-siyasi fəaliyyətilə əlaqələndirir. Ehtimal olunur ki, gənc fəal iyulun 15-də Bakıda keçirilən Qarabağa dəstək yürüşünə görə saxlanılıb.

NİDA-nın İdarə Heyətinin üzvü Ülvi Həsənli deyir ki, F.Məmmədzadə istər son bələdiyyə və parlament seçkilərində, istərsə də ondan sonrakı ictimai-siyasi proseslərdə kifayət qədər fəal olub: “Qarabağ yürüşündə də vətəndaş kimi iştirak edib. Böyük ehtimalla elə buna görə həbs ediblər. Amma özü də bu barədə yazıb ki, o, həmişə təxribatlara qarşı olub, heç vaxt ona uymayıb. Parlamentdə təxribatların kimlər tərəfindən törədildiyi məlum məsələdir. Bunu da yanına qoyanda aydın görünür ki, bu şərləmədir. Ölkədə günü-gündən problemlər artır. Hökumət vətəndaşların problemlərini həll etməkdənsə müxalifətçi, ictimai-siyasi fəal “ovuna” çıxıb”.

Daxili İşlər Nazirliyi fəalın saxlanması ilə bağlı məlumat verməyib.

Bu il iyulun 14-də Bakıda keçirilən Qarabağa dəstək yürüşünə görə həbs olunanların sayı barədə rəsmi məlumat verilmir. Təkcə Azərbaycan Xalq Cəbhəsi Partiyasının (AXCP) 17 fəalı bu iş üzrə həbs olunub.

Baş Prokurorluq və Daxili İşlər Nazirliyinin birgə açıqlamasında yürüş zamanı polis əməkdaşlarına xəsarət yetirildiyi, xidməti avtomobillərin aşırıldığı, Milli Məclisə ziyan dəydiyi qeyd olunub. Bu cinayət işi üzrə həbs olunanlara qarşı özgə əmlakına ziyan vurma, hakimiyyət nümayəndəsinə qarşı zor tətbiqetmə, ictimai asayişin pozulması ittihamları irəli sürülüb. AXCP-nin iki aparıcı üzvü – Məmməd İbrahim və Fuad Qəhrəmanlıya isə bunlardan əlavə, həm də hakimiyyəti zorla ələ keçirməyə cəhd ittihamı verilib.

Partiya ittihamların saxta olduğunu, həbs olunan üzvlərindən bir neçəsinin həmin yürüşdə iştirak etmədiyini bəyan edib.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Bölmələr:  
Короткие линки:   http://mtv.re/4hu7jq

Самое читаемое