''Nə kəndə qaz verilir, nə də qoyurlar meşədən odun gətirək''

Aydın Şahverdiyev

Aydın Şahverdiyev

Qışlaq kənd sakinləri laqeydlikdən gileylidir

“İcra başçısı Rövşən Bağırov söz verdi, amma dediyinə əməl etmədi. Demişdi ki, kəndimizə qaz veriləcək. Bizdən yuxarıda 8-9 kənd var, onlara qaz çəkiblər, lakin bizim kəndlə maraqlanan yoxdur”.

Lerikin ucqar dağ kəndi olan Qışlağın sakinləri şikayətçidir. Onların narazılığı kəndlərinin qazlaşdırılmaması ilə əlaqədardır. Kənd camaatı Meydan TV-yə deyir ki, qonşuluqdakı Zərigümaco kəndinə qaz xətti çəkilib, lakin Qışlağa çatanda yalnız dörd evə mavi qaz verilib:

“Niyə biz qışın qarında-şaxtasında donmalıyıq? Zərigümaco kəndi ilə Qışlağın arasındakı məsafə 200 metrdir. Təsəvvür edin, orada qaz var, bizdə isə yox. Gülməli olan odur ki, bizim kənddə dörd evdə qaz xətti var. Şikayət etməkdən yorulmuşuq, qulaqardına vururlar”, - Aydın Şahverdiyev belə deyir.

Onun sözlərinə görə, qonşu kəndlərdə qazlaşdırma işləri 3-4 il öncə başa çatıb. Bu müddət ərzində onlar yerli icra strukturlarına dəfələrlə müraciət ediblər, hamısı da nəticəsiz qalıb:

“Dərd ondadır ki, nə bizə qaz verirlər, nə də imkan verirlər gedib meşədən odun gətirək. Biz evi odunla isidirik. Meşədən də odun gətirməyə qoymurlar, cərimələyirlər. Ağac kəsmək də min manat cərimədir. Adam qalır belə, bilmirsən ki, neyləyəsən. Köhnə ağaclardan, çırpı yığıb, birtəhər evi isidirik. İl ərzində pulla odun alası olsaq, beş yüz manat edir. Axı bizim elə imkanımız yoxdur”.

Digər kənd sakini Mirdavud Hümbətov “Dərdimizi kəndin içində ancaq bir-birimizə danışırıq”, - deyə bildirir:

“Bizdən 200 metr yuxarıda olan kəndlərə qaz çəkiblər. Burada yaşayırıq, məcburuq, odun gətirək, yandıraq. Təbiətimiz dağılır. Çünki odunu meşədən əldə edirlər. Bunu yuxarıda oturanlar bilməlidir. Bizim deməyimizlə, şikayətimizlə deyil. Dəfələrlə qaz idarəsinə müraciət etmişik. Bu il Piran orta məktəbində iclas oldu, nazirlikdən nümayəndə gəlmişdi. Orada dedik ki, kəndin 4 evində qaz var, o biri kənddən çəkiblər. Qışlaq 20 evdən ibarətdir, lakin qaz verilmir. Hər dəfə də deyirlər ki, plandadır, guya çəkiləcək”.

Bu il yanvarın 29-da keçirilən “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının yekunlarına həsr olunan konfransında prezident İlham Əliyev ölkədə təbii qaz təminatının 95 faiz olduğunu qeyd etmişdi. Müqayisə apararaq, bildirmişdi ki, təbii qaz ilə təminat 15 il bundan əvvəl təxminən 50 faiz səviyyəsində idi, bu gün bu, 95 faizdir.

Azəriqaz” İstehsalat Birliyinin mətbuat xidmətinin rəhbəri İbrahim Kərbalayev Meydan TV-yə bildirib ki, Lerikin Qışlaq kəndinin qazlaşdırılması 2019-cu ildə nəzərdə tutulmayıb:

“Yaşayış məntəqələrinin qazlaşdırılması “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı” tədbirlər planına uyğun olaraq həyata keçirilir. Maliyyə vəsaitindən asılıdır. Vəsait ayrılacaqsa, növbəti illərdə kəndin qazlaşmasına baxıla bilər”.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Pазделы:  
Короткие линки:   http://mtv.re/rersun

Самое читаемое