Источник: Meydan.TV

"Koronavirus məhbusları"

"Koronavirus məhbusları"

İmanovlar ailəsi qayğılı günlərini yaşayır. Ramiz İmanovun övladı, AXCP üzvü Məhəmməd İmanlı 14 iyulda Azərbaycan ordusuna dəstək yürüşündə iştirak edəndən iki gün sonra saxlanılıb. Valideyn deyir ki, oğlu Xalqlar Dostluğundan Neftçilərə kimi yürüşdə iştirak edib sonra yorulub, gecə 9-da evə qayıdıb.

16 iyulda sahə müvəkkili onu Sabunçu rayonu 13-cü Polis bölməsinə aparıb. Daha sonra atasına zəng edib oğlunun koronavirus xəstəsi olduğunu deyiblər.

Məhəmməd İmanlı barəsində Cinayət Məcəlləsinin 139.1-ci, özündə zöhrəvi xəstəlik olduğunu bilən şəxsin bu xəstəliyi başqa şəxsə yoluxdurması maddəsi ilə ittiham irəli sürülüb. İttihama görə Məhəmməd İmanlı koronavirus xəstəsi olduğu halda məsafə saxlamadan, tibbi maska taxmadan yürüşə qatılıb və virusun yayılmasına şərait yaradıb. Sabunçu rayon Məhkəməsi gənc haqqında 3 aylıq həbs-qətimkan tədbiri seçib. Ramiz İmanov deyir ki, oğlu yürüşdə iştirak etdiyi zaman koronavirus xəstəsi olmayıb.

139.1-ci maddə ilə Mehdi İbrahimov və Nicat İbrahimov da məhkəməyə çıxarılıb. Mehdi İbrahimov AXCP sədrinin müşaviri Məmməd İbrahimin oğludur.

Turan İbrahim danışır ki, qardaşı Mehdi orduya dəstək yürüşünə qatılandan sonra saxlanılıb Xətai rayonu 37-ci polis bölməsinə gətirilib. 6 gün polisdə saxlanıldıqdan sonra Xətai rayon Məhkəməsinin qərarı ilə barəsində 3 aylıq həbs-qətimkan tədbiri seçilib.

Eyni maddə ilə ittiham olunan üçüncü şəxs isə Nicat İbrahimovdur. O heç bir partiyanın üzvü deyil. Nicat polis əməkdaşlarının onun pulunu mənimsədiklərinə görə keçirdiyi aclıq aksiyaları ilə tanınır.

Həm Məhəmməd İmanlının, həm də Mehdi İbrahimovun ailə üzvləri hesab edir ki, onlar AXCP üzvü olduqlarına görə həbs olunublar. Yürüşdən bir gün sonra ölkə başçısı İlham Əliyev çıxışında AXCP üzvlərini hədələyib onlara dərs verəcəyini demişdi.

Bu çıxışdan sonra AXCP sədrinin müşaviri Məmməd İbrahim həbsdə olan oğluna yemək apararkən yolda saxlanılıb və barəsində 4 aylıq həbs-qətimkan tədbiri seçilib.

Partiya açıqlayıb ki, yürüşdən sonra 15 nəfər üzvünə qarşı cinayət işi açılıb, onlar barəsində həbs-qətimkan tədbiri seçilib. 10 nəfər üzvü isə inzibati həbs olunub. AXCP bildirir ki, üzvləri heç bir qanunsuz hərəkət törətməyib və dərhal azad olunmalıdırlar.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Bölmələr:  
Короткие линки:   http://mtv.re/6llymx

Самое читаемое