Источник: google

İspaniya separatçı katalon liderlərini həbs edib

Статья обновлена:  14 Октябрь 2019

Liderlər 9-13 il arasında həbs cəzasına məhkum olunublar

Bazar ertəsi İspaniya Ali Məhkəməsi bölgədə etirazlara səbəb olan uğursuz müstəqillik təklifindəki rollarına görə doqquz katalon separatçı liderini azadlıqdan məhrum edib. “Reuters” xəbər verir ki, liderlər 9-13 il arasında həbs cəzasına məhkum ediliblər.

Qadağaya və qısamüddətli müstəqillik bəyannaməsinə baxmayaraq, keçirilən 2017-ci il oktyabr referendumunda iştirak etdiklərinə görə mühakimə olunan digər üç müttəhim də itaətsizlikdə təqsirli bilinib, lakin həbs cəzasına məhkum edilməyib.

Digər müttəhimlər ən ağır ittihamdan - üsyandan bəraət alıblar.

Məhkəmənin qərarı aparıcı separatçılar tərəfindən qınanıb. Həbsdəki şəxslər insanları küçələrə çıxarmağa çağırıb.

“Bu qərar demokratiyaya və bütün vətəndaşların hüquqlarına hücumdur,” regional parlamentin rəhbəri Roger Torrent deyib: “Bu gün yalnız 12 nəfər deyil, hamımız məhkum olunmuşuq”.

Kataloniyanın regional hökumətinin keçmiş rəhbəri Carles Puigdemont həbs cəzalarının “vəhşilik” olduğunu deyib.

Barselonada üç əsas küçə “siyasi məhbuslara azadlıq” çağırışını edən etirazçılar tərəfindən bağlanıb. Başqa bir referendum keçirmək istəyən separatçı izdiham tərəfindən isə “Biz bunu yenidən edəcəyik” şüarı səsləndirilib.

Etirazçılar Barselona hava limanına qatar və metro gedişini və A2 şossesində, eləcə də Kataloniyanın bir neçə regional yollarında nəqliyyatın hərəkətini dayandırıblar, - Nəqliyyat İdarəsinin rəsmisi deyib.

Bölgə qatarları şəbəkəsi Gironada bayraqlara sarılan müstəqillik tərəfdarı insanlar tərəfindən kəsilib.

Kataloniyanın müstəqillik tələbi dünya səviyyəsində diqqəti cəlb edib və son onilliklərdə İspaniyanın ən böyük siyasi böhranına səbəb olub.

İqtidar və onun süqut etməsi mümkündür ki, 10 noyabr tarixində keçiriləcək İspaniyanın dördüncü milli seçkisini rəngləndirsin və separatçı hərəkatın bundan sonra alacağı istiqamətə təsir etsin.

Həbs edilmiş separatçılar sosial mediada deyiblər ki, onlar mübarizələrini davam etdirəcəklər.

“Həbsdə keçirilmiş doqquz il mənim optimizmimi sonlandırmayacaq. Biz davam etsək, Kataloniya müstəqil olacaq. Gəlin qorxusuz nümayiş edək, gəlin qətiyyətlə qeyri-zorakılıqdan müstəqilliyə doğru addımlayaq”, - doqquz illiyinə həbsə göndərilmiş Jordi Sanhcez deyib. Sanchez Katalon Milli Assambleyası (ANC) Hərəkatının lideri olub.

Ötən illər boyu Kataloniyanın müstəqilliyi üçün keçirilmiş etirazlar bütövlüklə dinc olub. Lakin polis mənbələri qeyd edirlər ki, hakimiyyət hər hansı bir zorakılığa hazırlıqlıdır.

Kataloniyanın regional rəhbəri separatçı Quim Torra 12 liderin hamısının əfv edilməsini istəyib. O, İspaniya kralı VI Felipe və Baş nazir vəzifəsini icra edən Pedro Sanchez ilə təcili görüş istəyəcəyini qeyd edib. Lakin Torra keçən həftələrdə başlatdığı vətəndaş itaətsizliyinə çağırışları dayandırıb.

Sanchez cəzaların icrasının lazım olduğunu qeyd edərək, əfv tələbini rədd edib.

“Bugünkü qərar daxili dəstək və beynəlxalq rəğbət qazana bilməyən bir hərəkatın məğlubiyyətini təsdiqləyir”, - o deyib. O, indi katalon məsələsində yeni mərhələnin başladığını bildirərək insanları dialoqa çağırıb.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Статья обновлена:  14 Октябрь 2019
Bölmələr:  
Короткие линки:   http://mtv.re/jo4jhb

Самое читаемое