"Təkcə pambıqçılıq deyil, bütün sahələrdə zərər var”,- fermer deyib

Источник: Meydan TV

Başlıq: "Təkcə pambıqçılıq deyil, bütün sahələrdə zərər var”,- fermer deyib

Fermer: Əkin sahəsinə gedə bilmirik, mərmi heyvanlarımızı öldürüb

“Təkcə pambıqçılıq deyil, bütün sahələrdə zərər var”

Ermənistan silahlı qüvvələri bir neçə gündür Ağcəbədi rayonunun yaşayış məntəqələri ilə yanaşı təsərrüfat sahələrini də davamlı atəşə tutur. Ağcabədili fermerlər deyirlər ki, son 15 gündür əkin sahələrinə gedə bilmirlər. Bir neçə fermerin isə mal-qarası tələf olub.

Fermer Anar Məmmədov deyib ki, 30 hektar sahədə pambıq əkiblər. Hər hektara təxminən 1200-1300 manat xərc çəkib. Bu il pambıqdan yaxşı qazanc götürəcəyini ümid edib, amma mərmilər birbaşa əkin sahəsinə düşdüyündən ziyan çəkib.

“Mən də digər fermerlər kimi xarici sortlara üstünlük verirəm, çünki xarici sortların məhsuldarlığı yüksək olur. Bu il hava şəraiti də pambıq üçün əlverişli olub. Di gəl ki, əkin sahələri də davamlı atəş altındadır. Fermerlərin əksəriyyəti kredit götürərək əkin-biçinlə məşğul olur. Təkcə pambıqçılıq deyil, bütün sahələrdə zərər var”,- fermer deyib. Əlavə edib ki, üstəlik anasıgilin yaşadığı ev dağılıb və hazırda valideynləri və bacılarının dolanışığı da onun üstündədir. “Çoxunun evi dağılıb, indi zərərin məbləğindən danışmaq tezdir. Ümid edirik ki, tezliklə müharibə başa çatacaq. Bundan sonra zərər də hesablanacaq”.

Digər fermer isə deyib ki, onlara mərmilərin düşdüyü sahələrə getməməyi tapşırıblar. Sahələr əvvəlcə mütəxəssislər tərəfindən təmizlənməlidir: “Tapşırıblar ki, Ərazilərin Minadan Təmizlənməsi üzrə Milli Agentliyə məlumat verək”.

Ağcabədi rayon mərkəzi və rayonun Qaradolaq, Ağgöl, Avşar, Hacılar, Boyat kəndlərinə mərmilər düşüb.

Fermerlərdən biri isə bildirib ki, onun 12 baş mal-qarası tələf olub:

“Mərmi düz həyətimə düşdü. Heyvanlar tələf oldular. Doğrudur, ölən olmadığına görə sevindik, amma mal-qara mənim yeganə qazanc yerimdir”.

Fermerlər əlavə ediblər ki, hələlik onlara dəymiş zərəri hesablamayıblar, amma yerli kənd təsərrüfatı idarəsinə məlumat verilib.

Kənd Təsərrüfatı Nazirliyinin məlumatında isə deyilir ki, Ermənistan silahlı qüvvələri tərəfindən əkin sahələrinin atəşə tutulması nəticəsində 100 mindən çox fermer zərər çəkib. Çox sayda heyvan tələf olub, fermerlərin yem ehtiyatı yandırılıb. 10 minlərlə hektar sahədə biçin məhdudlaşdırılıb, suvarma sistemləri dağıdılıb. Nazirlik zərərçəkmiş fermerlərin siyahısını hazırlayır.

Lakin nazirliyin açıqlamasında müharibədən zərərçəkmiş fermerlərə dəymiş ziyanın ödənilib-ödənilməyəcəyi ilə bağlı məsələ əksini tapmayıb. Mərmilən düşdüyü əkin sahələri çirklənmiş hesab edilir.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Bölmələr:  
Короткие линки:   http://mtv.re/eqeyh1

Самое читаемое