AXCP

Источник: Meydan TV

Başlıq: AXCP

Bu gün də iki AXCP üzvü saxlanılıb

İki fəal cinayət məsuliyyətinə cəlb olunub

Qarabağa və Milli Orduya dəstək yürüşünə görə həbs olunan cəbhəçilərin sayı yenə artıb. Azərbaycan Xalq Cəbhəsi Partiyasının (AXCP) daha iki fəalı – partiyanın Qaradağ şöbəsinin sədri Elnur Cabbarov və Abşeron şöbəsinin üzvü Müşfiq Quliyev də Baş Prokurorluğun İstintaq İdarəsində aparılan cinayət işi üzrə cinayət məsuliyyətinə cəlb edilib.

Bu iş üzrə həbs olunan digər cəbhəçilər kimi, onlara qarşı da Cinayət Məcəlləsinin 186 (özgənin əmlakını qəsdən məhv etmə və ya zədələmə), 233 (ictimai qaydanın pozulması) və 315 (hakimiyyət nümayəndəsinə qarşı müqavimət göstərmə və ya zor tətbiq etmə) maddələri ilə ittiham irəli sürülüb. Hər birinin barəsində Nəsimi Rayon Məhkəməsinin qərarıyla ilkin istintaq dövrü üçün 3 aylıq həbs-qətimkan tədbiri seçilib.

Prokurorluğun təqdimatı əsasında Elnur Cabbarov haqqında həbs qərarını hakim Solmaz Mustafayeva, Müşfiq Quliyev haqqında qərarı isə hakim Ramin Xəlilov verib.

Onların hər ikisi iyulun 30-da saxlanmışdılar.

İyulun 28-də və 30-da saxlanılan, taleyi haqqında heç bir məlumat olmayan daha 5 nəfər AXCP fəalı haqqında da qərarlar məlum olub. Bunlar Babək Muradov, Feyruz Rəhimov, Elnur Quliyev, Yaşar Kərimov və Emin Fərhadovdur. Məlum olub ki, adları çəkilən şəxslərdən F.Rəhimov istisna olmaqla, digərlərinə 30 sutka inzibati həbs cəzası verilib. F.Rəhimovun cəzası isə 15 sutka olub. Onlar İnzibati Xətalat Məcəlləsinin 211-ci (karantin rejimi qaydalarını pozma) maddəsilə təqsirli bilinib.

AXCP-dən Meydan TV-yə bildirilib ki, iyulun 15-də Nazirlər Kabinetinin iclasında Prezident İlham Əliyevin Xalq Cəbhəsi haqqında nifrət nitqindən sonra partiyanın 45 üzvü saxlanılıb. Onlardan 18 nəfərə qarşı cinayət işi başlanıb, biri istisna olmaqla, digərləri haqqında həbs-qətimkan tədbiri seçilib. Daha 17 nəfər haqqında inzibati qaydada 30 sutkalıq həbs qərarı verilib. 10 nəfər sərbəst buraxılıb.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Bölmələr:  
Короткие линки:   http://mtv.re/qdck7v

Самое читаемое