Источник: Meydan.TV

Biləsuvarda aksiya: polis müdaxilə edib

"İctimai asayişi pozan bir neçə rayon sakini polis şöbəsinə gətirilib"

İyulun 28-də Biləsuvar rayonunda bir qrup sakin etiraz aksiyası keçirib. Səbəb bəzi kəndlərdə su probleminin olmasıdır.

Sosial şəbəkələrdə yayılan videogörüntülərdən görünür ki, polis aksiyaya müdaxilə edib, etiraz edən insanları saxlayıb.

Daxili İşlər Nazirliyi də bu barədə açıqlama yayıb.

Nazirlik bildirib ki, Biləsuvar rayonunda bir qrup yerli sakin su problemi ilə əlaqədar olaraq bu gün rayon icra hakimiyyətinin yerləşdiyi küçəni bağlamağa cəhd edib.

Daxili İşlər Nazirliyinin Mətbuat Xidmətin Lənkəran regional qrupunun baş inspektoru, polis baş leytenantı Məhəmməd Rzayevin verdiyi məlumata görə, etirazçılar Yuxarı Cürəli və Təzəkənd kəndinin sakinləri olub: "Onlar icra hakimiyyətinin yerləşdiyi küçəni bağlamağa cəhd edərək nəqliyyatın hərəkətinə mane olublar. Bu zaman ərazidə xidmət aparan polis əməkdaşları onlara bununla bağlı xəbərdarlıq edib. Xəbərdarlıqlara riayət etməyən və ictimai asayişi pozan bir neçə rayon sakini polis şöbəsinə gətirilib".

Məhəmməd Rzayev deyib ki, qalan sakinlər isə problemlə bağlı Biləsuvar Rayon İcra Hakimiyyətinin başçısı və adiyyatı qurumların rəhbərləri tərəfindən qəbul edilib: "Onların şikayətləri dinlənilib və problemlərinin həlli istiqamətində tədbirlər görülür".

"Turan" İnformasiya Agentliyinə isə Biləsuvar rayon Polis Şöbəsindən deyilib ki, iyulun 28-də şöbəyə gətirilənlərin 6-sı söhbət aparıldıqdan sonra sərbəst buraxılıb.

Daha bir neçə şəxslə bağlı isə araşdırma getdiyi qeyd edilib.

Son illər Azərbaycanın müxtəlif rayonlarında su qıtlığı problemi yaranıb. Həmin rayonların sakinləri içməli suyu pulla aldıqlarını və buna imkanlarının çatmadığını deyirlər.

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Bölmələr:  
Короткие линки:   http://mtv.re/oir3fb

Самое читаемое