Mehdibəy Səfərov

Источник: Foto: arxiv

Başlıq: Mehdibəy Səfərov

Azərbaycan Talışlarının İctimai Şurası yaradılıb

Статья обновлена:  11 Декабрь 2019

“Azərbaycan hökuməti talışların ana dilinə, tarixinə, adət-ənənələrinə biganə qalmaqdadır”

Dekabr 7-də Bakıda Azərbaycan Talışlarının İctimai Şurası yaradılıb.

Bu barədə şuranın üzvü Mehdibəy Səfərov məlumat yayıb.

Azərbaycan Talışların İctimai Şurasının Azərbaycan Respublika ictimaiyyətinə müraciət də ünvanlayıb.

Müraciətdə deyilir ki, Azərbaycan Talışların İctimai Şurasının fəaliyyətə başlaması mövcud tarixi zərurətdən meydana gəlib:

“Məlumdur ki, Azərbaycan Respublikası tarixən, bir sıra xalqların, o cümlədən biz - talışların Ana Vətənindir. Təəssüf ki, bir xalq olaraq vətənimizdə Dövlətimiz olan Azərbaycan Respublikasının hökuməti tərəfindən lazımi diqqət və qayğıdan kənarda qalmışıq. Keçən əsrin 30-cu illərində bədnam Stalin repressiyası ilə, adı büsbütün qadağan edilən talış xalqının reablitasiyası üçün ölkəmizin 30 illik müstəqillik dönəmində çox xırda nüanslar istisna olmaqla, ciddi bir iş görülmədi.

Azərbaycan Respublikası hökuməti Avropa Şurasına üzv olanda, üzərinə öhdəlik olaraq götürdüyü “Regional və azlıqların dilləri haqqında” Avropa Xartiyasına indiyə kimi qoşulmayıb. Azərbaycan Respublikasının ratifikasiya etdiyi “Milli azlıqların hüquqlarının müdafiəsi haqqında” Avropa Şurasının Çərçivə Sazişinin heç bir norması bu günə qədər talışlara münasibətdə realizə olunmayıb. Talış dilinin tədrisi, bu dil üzrə mütəxəsislərin hazırlanması, talış dilində radio və televiziya verlişlərinin təşkili, talış dilində mətbuatın dövlət büdcəsi hesabına maliyyələşməsi ilə bağlı, hökumətimizə etdiyimiz bütün müraciətlər cavabsız qalıb”.

Müraciətdə daha sonra qeyd olunur ki, Azərbaycan hökuməti talışların ana dilinə, tarixinə, adət-ənənələrinə biganə qalmaqdadır. Bu biganəlik daha çox talışın bir xalq olaraq tez bir zamanda assimilə olunmasına xidmət təsirini bağışlayır:

“Talış ziyalılarının öz ana dillərinin, mədəniyyətlərinin inkişafı, ictimai-siyasi birliklərin yaradılması ilə bağlı təşəbbüsləri qısqanclıqla və qərəzlə qarşılanır, bir çox hallarda isə belə təşəbbüslər təqib və təziqlə müşayiət olunur. Qədim tarixə və zəngin adət-ənənələrə malik olan talış xalqının milli varlığı tamamilə sıradan çıxmaq təhlükəsilə üz-üzə qalıb.

Talış bir xalq olaraq, tarixi vətənində yarım qadağa altındadır. Hökumətimiz öz xalqını tanımamaq xəttini götürüb. Belə vəziyyət normal hesab edilə bilməz. Etnomüxtəliflik ölkəmizin multikultural zənginliyini, assimilasiyanı deyil, xalqlarımızın inteqrasiyasını şərtləndirən başlıca amildir! Bu da ilk növbədə, qarşılıqlı tanınmadan və qarşılıqlı olaraq hüquqlarımıza hörmətdən keçir. Azərbaycan Respublikası bizim hamımızın dövləti, ana vətənimizdir! Ona görə, Azərbaycan hökumətindən də gözləntilərmiz xalqımıza qarşı sivil münasibətin nümayiş etdirilməsilə bağlıdır. Məhz, belə bir situasiyanı formalaşdırmaq üçün, ATİŞ Azərbaycan Respublikası Konstitusiyasının 44, 45 və 58-ci maddələrini əsas götürərək, öz fəaliyyətinə başlamasını məmnuniyyətlə, ölkə ictimaiyyətinə bəyan edir”.

Müraciət müəllifləri qeyd edir ki, son zamanlar ölkədə ictimai-siyasi sahədə aparılan islahatlar onlarda milli münasibət isteblişmentində də müsbət addımların atılacağına inam hissi yaradıb:

“Ümidvarıq ki, bu addımımız ölkəmizin tərəqqipərvər, demokratik qüvvələri və vətəndaşları tərəfindən dəstəklənəcəkdir! Fəaliyyətimiz Azərbaycanın dünyada müsbət tolerantlıq imicinin və dövlətçilik ənənələrinin güclənməsinə, Azərbaycanda vətəndaş cəmiyyətinin və hüquqi dövlət quruculuğunun sürətlənməsinə xidmət edəcəkdir! Biz - Azərbaycan Respublikasının talış əsilli vətəndaşları olaraq, ölkəmiz üçün, bu işdə öz xidmətimizi və töhfələrimizi əsirgəməyəcəyik”.

Azərbaycan Talışların İctimai Şurasının təsisçiləri bunlardır:

  1. Ağayev Əli – ictimai fəal, Musavat Partiyasının üzvü;
  2. Ağazadə Nəriman – arxeoloq-etnoqraf;
  3. Baxşiyev Mehdi – mühəndis, Respublika Talış Mədəniyyət Mərkəzinin üzvü;
  4. Əbdülov İnqilab – mədəniyyət işçisi;
  5. Əbilov Ataxan – hüquqşünas, İnsan Haqları üçün Niderland Hüquqşünaslar Komitəsinin üzvü;
  6. Əliyev Cabbar – tarixçi, publisist;
  7. Əsgərov Oqtay - müəllim, hüquq müdafiəçisi;
  8. Hacıyev Mikayıl – hərbçi, Qarabağ qazisi;
  9. Heydərov Hüseynağa – mühəndis, ictimai fəal;
  10. Heydərov Möhsün –mühəndis, şair;
  11. Həşimov Ulduz – müəllim, ictimai fəal, Azəri-Talış İctimai Birliyinin üzvü;
  12. Hüseynov Tahir – mədəniyyət işçisi, Musavat Partiyasının üzvü;
  13. İbrahimov Bəhram - mühəndis, ictimai fəal;
  14. Likməkani Mirfayaz – şair, Azəri-Talış İctimai Birliyin Gənclər Təşkilatının sədri;
  15. Məmmədov Hilal – hüquq müdafiəçisi, "Tolışi sədo” qəzetinin baş redaktoru;
  16. Nəzərov Yaşar – iqtisadçı, Azərbaycan Xalq Cəbhəsi Partiyasının üzvü;
  17. Rəhimov İltifat – müəllim, Aydınlar Partiyasının üzvü;
  18. Rəsuli Kenul – mədəniyyət işçisi;
  19. Səfərov Mehdibəy – mədəniyyət işçisi, Azəri Talış İctimai Birliyinin sədri;

20. Şükürov Əlimərdan – mühəndis, dənizçi;

Пока вы здесь ...

У нас есть небольшая к вам просьба. В среде, где информация находится под жестким государственным контролем, Мейдан ТВ усердно работает над тем, чтобы обеспечить доступ к качественной независимой журналистике. Мы проливаем свет на истории, которые вы иначе не прочитали бы, так как мы считаем, что те, кто не может высказаться, заслуживают быть услышанными, а те, кто находится у власти, должны быть привлечены к ответственности. Мы вкладываем в это значительное время, усилия и ресурсы, поэтому нам нужна ваша помощь.

Ваша поддержка дает возможность нашим смелым журналистам, многие из которых работают под большой угрозой своей личной свободе и безопасности, продолжать свою деятельность. Каждый вклад в защиту независимой журналистики в Азербайджане имеет значение. Спасибо.

ПОДДЕРЖИТЕ НАС
Статья обновлена:  11 Декабрь 2019
Bölmələr:  
Короткие линки:   http://mtv.re/6jy9jc

Самое читаемое