Source: Meydan Tv

Yaponiyada “Moderna” peyvəndinin içərisində yad cisim aşkar edilib

İki nəfərin peyvənddən sonra öldüyü deyilir

Yaponiyada yayılmış onlarla “Moderna” peyvəndi flakonlarında içərisində metal parçalar olduğu ehtimal edilən yad cisimlər aşkar edilib. “The Japan Times” yazır ki, bu hadisə insanların peyvəndə qarşı inamını sarsıda bilər. İstehsalçılar və mütəxəssislər isə peyvəndin insan sağlamlığına təsirini və təhlükəsizliyini aşağı qiymətləndiriblər.

Saytın yazdığına görə, ötən həftəsonu, Okinava və Gunma vilayətində içində yad cisim aşkar olunan peyvəndlərdən vurduran və təxmini 30 yaşında olan iki nəfərin ölümü ilə bağlı xəbərlərin yayılması vəziyyəti daha çox gərginləşdirib.

Ötən cümə axşamı Yaponiya hökuməti, 39 ədəd istifadə edilməmiş flakon içərisində yad cisim aşkar edildiyini, Aichi, İbaraki, Gifu, Saitama və Tokio şəhərləri də daxil olmaqla beş əyalətdəki səkkiz iş yerində və böyük peyvənd mərkəzlərində 3004667 ədəd peyvənddə həmin maddələrin olduğunu açıqlayıb.

Hökumət, bu partiyadakı peyvəndlərin istifadəsini dayandırmaq qərarına gəlib.

“Takeda” və “Moderna” şənbə günü verdikləri birgə açıqlamada, iki insana inyeksiya etmək üçün istifadə edilən peyvəndlərdə yad cisimlərin olması barədə məlumat almadıqlarını və ölümlərinin “Moderna” peyvəndindən qaynaqlandığına dair heç bir dəlil olmadığını söyləyib. Hökumət, ölümlər və peyvəndlər arasında bir əlaqənin olub-olmadığını öyrənmək üçün mütəxəssislərlə birlikdə araşdırma aparacağına söz verib.

Yoluxucu xəstəliklər üzrə mütəxəssislər flakonların və şprislərin yoxlanılmalı olduğunu, flakonlarda olan yad cisimlərin ölümlərin səbəbi olması ehtimalının az olduğunu söyləyib.

Osaka Universitetinin immunologiya professoru Masayuki Miyasaka “Facebook” səhifəsində qeyd edib:

“Əgər əzələyə inyeksiya edilmiş kiçik bir metal parçası olsaydı, faqositlər tərəfindən parçalanardı və bədəndə dolaşmazdı. Bunun sağlamlığa ciddi ziyan vurma ehtimalı demək olar ki, sıfırdır".

Okinava vilayətində isə deşilmiş flakonda qara ləkələr olduğu təsdiqləndikdən sonra, şənbə və bazar günləri kütləvi peyvənd mərkəzində “Moderna “peyvəndinin istifadəsi dayandırılıb. Şənbə günü Okinavada içərisində peyvənd olan bir şprisdə tapılan çəhrayı bir maddə də daxil olmaqla beş yad cisim aşkar edilib.

Səhiyyə Nazirliyi,peyvəndlərdə təhlükəsizlik və effektivlik problemlərinin olmadığını söyləyib və Okinavada bazar ertəsi günü yenidən peyvəndlərin vurulmasına başlanıb.

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Featured in:  
Shortlink:   http://mtv.re/1wz8ez

Most Viewed