Bakı Şəhər İcra Hakimiyyəti

Source: Meydan TV

Caption: Bakı Şəhər İcra Hakimiyyəti

"Bakı Şəhər İcra Hakimiyyəti təmir edilən yaşayış evləri barədə məlumatı gizlədir"

Article was updated on :  16 June 2021

Binaların təmirinə 13 milyon 470,9 min manatın xərclənəcəyi bildirilir

Bakı Şəhər İcra Hakimiyyəti Dövlət Mənzil Fonduna aid binaların təmirinə 13 milyon 470,9 min manat yönəldəcək.

Bu barədə "Turan" məlumat yayıb.

Bildirilir ki, icra hakimiyyətinin hansı binaların təmir edəcəyi barədə məlumatlar gizlədilir.

Agentlik yazır ki, təmir işləri ilə bağlı müqavilə iyunun 8-də “Star Konstrakşın-12” QSC-ə verilib.

Qeyd olunub ki, icra hakimiyyəti apreldə “TFM-Smart Project” MMC ilə dövlət mənzil fondunun binalarının təmirinin layihə-smeta sənədlərinin hazırlanmasına dair müqavilə imzalayıb: "Layihələndirmə şirkəti bu işə görə 290 min manat alacaq. Ancaq nə tender elanlarında, nə də satınalma prosedurları ilə bağlı müqavilələrin imzalanması məlumatlarında təmir edilməli olan binaların dislokasiyası barədə heç nə deyilmir. “Dövlət satınalmaları haqqında” qanunun 26 maddəsinə görə, elanda göndərilən malların adı, miqdarı (həcmi), çatdırılma yeri, görüləcək işin xarakteri,yeri və göstərilən xidmətin təsviri əks olunmalıdır. Əks təqdirdə, İnzibati Xətalar Məcəlləsinə (145-1.4.1 maddəsi) uyğun olaraq, vəzifəli şəxslər 1500 manatdan 2000 manata qədər inzibati cəriməyə cəlb edilir".

Agentlik İqtisadiyyat Nazirliyinin bu barədə sualını cavabsız qoyduğunu bildirib: "Paradoksal haldır ki, dövlət satınalmalarının vahid elektron portalına əsasən, paytaxtın mənzil fondunun həm layihələndirmə, həm də təmir işləri eyni gündə - dekabrın 31-də başa çatmalıdır".

Sonda qeyd olunub ki, 2020-ci ildə dövlət mənzil fondunun binalarının təmiri üzrə müqavilə “İnpeks.N” MMC-ə verilmişdi: "Müqavilənin dəyəri 19 milyon 986 min manatdır".

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Article was updated on :  16 June 2021
Featured in:  
Shortlink:   http://mtv.re/cgb268

Most Viewed