Namiq Eyyubov

Source: Foto: Meydan TV

Caption: Namiq Eyyubov

Sərxoş polisin videosunu yayan şəxsin həbs olunduğu deyilir

“Qusar polisi gəlib Xaçmazdan adamı aldadıb aparır”

Xaçmaz rayonunun Düztahir kəndində sərxoş vəziyyətdə videosu yayılan polis serjantı Namiq Eyyubov işdən çıxarılsa da, bu barədə məlumat yayan Vüsal Başaratov da 9 sutka inzibati cəza alıb.

Məlumatı Meydan TV-yə Vüsal Başaratovun atası Hatəm Başaratov verib.

H.Başaratov bildirib ki, oğlunu Qusar Polis İdarəsinin əməkdaşları aparıb:

“Biz Xaçmaz rayonunun Qoçaqqazma kəndində yaşayırıq. Əslində polisin içkili vəziyyətdə olan videosu Düztahir kəndində çəkilib, amma Vüsala göndərilib. O da yayıb. Aprelin 7-də Qusar rayonunun polisləri evimizə gəldilər. Bizə dedilər ki, Qusar Rayon Polis İdarəsinin rəisi oğlum Vüsalı söhbətə çağırır. Səbəbini soruşduqda, dedilər, narahat olma, 1 saata qayıdacaq. Amma dünəndən xəbər yoxdur. Axşam zəng edəndə telefonu bağlı idi, bu gün, aprelin 8-də 102 xidmətinə məlumat verdim, mənə dedilər ki, polisə müqavimət göstərdiyi üçün 9 sutka cəza alıb. Necə müqavinət göstərib ki, polis evimizdə çay içib və sonra oğlum onların maşınında Qusara gedib? Guya oğlum posta dayanan polislərə söyüb. Bu, necə ola bilər? Hələ mənim oğlum polislərdən orderlərinin olduğunu soruşduqda, cavab verdilər ki, rəis xahiş edir, 1 saata özümüz qaytarıb evə qoyacağıq. Təsəvvür edin ki, Qusar polisi gəlib Xaçmazdan adamı aldadıb aparır. Bunun adı adam oğurluğudur”.

H.Başaratov Respublika Prokurorluğu ilə də əlaqə saxladığını bildirib:

“Cavab verdilər ki, oğlun qanunu pozub, Qusara gedin. Karonavirusa görə yollar bağlıdır, necə gedim? Bunu deyənin heç olmasa karantindən xəbəri varmı? Qusardakı jurnalistlər polisə gediblər, amma belə adda adamın olmadığını söyləyiblər. Necə ola bilər ki, 102 xidməti oğluma 9 sutka verildiyi haqqında mənə məlumat verir, amma idarədən belə bir adamın olmadığını söyləyirlər?”

Qusar Rayon Polis İdarəsinin növbətçi hissəsindən Meydan TV-yə bu barədə danışa bilməyəcəklərini bildiriblər. Daxili İşlər Nazirliyinin mətbuat xidmətinin rəhbəri Ehsan Zahidov isə məsələ araşdırıldıqdan sonra reaksiya verəcəyini söyləyib.

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Featured in:  
Shortlink:   http://mtv.re/9x8svx

Most Viewed