Source: google

Paşinyan Azərbaycanla danışıqlardan imtina edib

“Ermənistan üçün məqbul sayılan artıq Azərbaycan üçün məqbul deyil”

"Qarabağ məsələsinin indiki mərhələdə diplomatik həlli yoxdur”. Bu haqda oktyabrın 21-də Ermənistanın Baş naziri Nikol Paşinyan bəyan edib.

"Biz dərk etməliyik ki, Qarabağ məsələsinin indiki mərhələdə və bu mərhələdən başlayaraq hələ uzun müddət diplomatik həlli ola bilməz. Bütün bu cür təkliflər bitmiş hesab olunmalıdır”, – Paşinyan “Facebook”-da öz səhifəsində yayımladığı birbaşa efirdə deyib.

Onun sözlərinə görə, Ermənistan həmişə qarşılıqlı kompromis əsasında problemi çözməyə hazır olduğunu bəyan edib.

"Bu o deməkdir ki, biz problemin həlli naminə öz tələb plankamızı aşağı salmalıyıq, lakin bir şərtlə: qarşı tərəf də öz plankasını endirsin. Ancaq təcrübə göstərdi ki, Ermənistan üçün məqbul sayılan artıq Azərbaycan üçün məqbul deyil. Bu, ondan xəbər verir ki, heç olmasa bu mərhələdə diplomatik həll barədə danışmaq artıq mənasızdır”, – Paşinyan deyib.

“Erməni xalqı Qarabağ münaqişəsinin özü üçün məqbul olan həllini təkcə əlində silah tapa bilər”, – Paşinyan bəyan edib.

“Bizim bundan sonrakı hərəkətlərimiz xalqımızın haqqı naminə sonadək mübarizə aparmaqdır. Nə baş verməsindən asılı olmayaraq, xalqımızın haqqı naminə mübarizə aparmalıyıq. Bu isə o deməkdir ki, ilk növbədə əlimizə silah almalı və vətənimizi müdafiə etməliyik”, – Paşinyan “Facebook”dakı səhifəsində söyləyib.

O qeyd edib ki, hazırda Azərbaycan Ermənistanın kapitulyasiyasından savayı heç nəyə razı deyil.

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Featured in:  
Shortlink:   http://mtv.re/axqb2c

Most Viewed