Nurlan Libre

Source: Nurlan Librenin şəxsi arxivindən

Caption: Nurlan Libre

Jurnalistlər bölməyə aparıldı, cərimələndi

Article was updated on :  14 May 2021

Nurlan Libre məhkəməyə müraciət edəcək

Bir neçə gənc jurnalist Bakıdakı 26-cı polis bölməsinə aparılıb. Bu barədə Meydan TV-yə jurnalist Əminə Məmmədova və Xanım Mustafayeva məlumat verib. Onların sözlərinə görə, polis jurnalist Elməddin Şamilzadəni maskadan düzgün istifadə etmədiyini əsas gətirərək saxlayıb. Jurnalistin polis bölməsinə aparılması tərəflər arasında mübahisəyə səbəb olub və polis baş verənləri çəkən Əminə Məmmədovanın telefonunu əlindən alıb. “Bu zaman jurnalist Nurlan Libre polisə dedi ki, sizin ixtiyarınız yoxdur jurnalistin telefonunu əlindən alasınız. Polis də Nurlana güc tətbiq edərək bölməyə apardı. Biz Nurlanın içəridən qışqırıq səslərini eşitdik. Onu döyürdülər. Biz bayırda dayanmış polisdən onu niyə döydüklərini soruşduq, o da “yaxşı edirik” cavabını verdi”, - deyə Əminə Məmmədova bildirib.

Gənclər baş verənləri “Facebook” səhifəsindən canlı yayımlayıblar. Bölmədən çıxan Elməddin Şamilzadə polisin Nurlan Libreyə hədə-qorxu gəldiyini deyib. Bir neçə dəqiqə sonra Nurlan Libre də bölmədən çıxıb və döyüldüyünü, xırda xuliqanlıq etdiyi üçün 50 manat cərimələndiyini bildirib.

Hadisə yerində olan hüquqşünas Xalid Bağırov bildirib ki, Nurlan Libreyə qarşı irəli sürülən İnzibati Xətalar Məcəlləsinin 510-cu maddəsi (xırda xuliqanlıq) yalnız məhkəmə vasitəsilə tətbiq oluna bilər.

Nurlan Libre ona qarşı tərtib olunmuş protokolla məhkəməyə müraciət edəcəyini söyləyib.

Daxili İşlər Nazirliyinin KİV və İctimaiyyətlə əlaqələr şöbəsinin rəisi Elşad Hacıyev Meydan TV-yə deyib ki, polis jurnalistləri tanımayıb. Onlar polis bölməsinin qarşısında mübahisə etdiklərinə görə bölməyə dəvət ediliblər və sonra da sərbəst buraxılıblar: “Nurlan necə döyülüb ki, mənə bu barədə onun özü məlumat verib?”

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Article was updated on :  14 May 2021
Featured in:  
Shortlink:   http://mtv.re/hvvf9e

Most Viewed