Source: google

İsrailin hava hücumu nəticəsində 9 mülki qəzzalı ölüb

Qarşıdurmanın başladığı son 2 gündə ölənlərin sayı 19 olub

İsrailin hava hücumları nəticəsində çərşənbə günü Qəzzada doqquz fələstinli qətlə yetirilib,- “Reuters” xəbər verir. Tibb işçiləri deyib ki, İsrailin İslamçı Cihad komandirini öldürmək üçün başlatdığı hücumdan bu yana iki gündür davam edən qarşıdurmada 19 fələstinli həlak olub.

Səhər tezdən Qəzza silahlıları İsrailə raket atıb və İsrail hərbi qüvvələri də havadan atəş edib.

Qəzza şəhərində öldürülən altı nəfərin cəsədləri taksilərdə və təcili yardım maşınlarında Shifa xəstəxanasına gətirilib. Tibb işçiləri və şahidlər öldürülənlərin əhalinin sıx olduğu məhəllələrdə yaşayan mülki vətəndaşlar olduğunu deyir.

Öldürülənlərin ailə üzvləri bildiriblər ki, ata və oğlu öldürülərkən digər oğul da ağır yaralanaraq xəstəxanaya yerləşdirilib.

“Onlar başlatdılar bunu, biz müharibə istəmədik”, - öldürülənlərdən birinin qohumu deyib.

İsrail ordusu çərşənbə günü Qəzza zolağında İslamçı Cihad hədəflərinə hücumu bərpa etdiyini bildirib. Hava zərbələri ən azı üç raket atma qrupu tərəfindən həyata keçirilib, - hərbi sözcü deyib.

İslamçı Cihad səhər saatlarında Qəzza şəhərinin cənubundakı ayrı-ayrı hücumlarda iki hərbçisinin öldürüldüyünü təsdiqləyib. Tibb işçiləri daha sonra başqa bir adamın motosikletdə hava zərbəsi nəticəsində öldürüldüyünü deyib.

Aylardır davam edən savaşın ən ağır qarşıdurması çərşənbə axşamı İsrailin İrana dəstək verən İslamçı Cihad silahlı qruplaşmasının yüksək rütbəli komandiri Əbu Əl-Attanı öldürdükdən sonra başlayıb.

Atta və həyat yoldaşının öldürülməsinə cavab olaraq İslamçı Cihad çərşənbə axşamı İsrailə 200 raket atıb.

Diplomatların sakitliyi bərpa etmək cəhdlərinə baxmayaraq, İslamçı Cihad rəsmisi “Reuters”-ə verdiyi açıqlamada qeyd edib ki, qrup vasitəçilərə qisas hücumlarını davam etdirmək niyyətindədir.

“Sülhü bərpa etmək cəhdləri nəticə vermədi. İslamçı Cihad sionist düşmənin sui-qəsd siyasətinə cavab verməyin vaxtı çatdığını gördü“,- adının açıqlanmasını istəməyən rəsmi bildirib.

“Düşmən öz ağılsızlığının cəzasını ödəyəcək və biz bu təcavüzə bütün gücümüzlə qarşı çıxacağıq”.

Qəzzaya nəzarət edən daha böyük İslamçı qrup olan HƏMAS-ın qarşıdurmaya daxil olmasına dair hələlik bir işarə yoxdur. Həmas və İsrail 2008-2014-cü illər arasında baş vermiş üç müharibədən sonra son beş ildə əvvəlki intensivləşməni ləğv etməyi və genişmiqyaslı qarşıdurmanın baş verməsinin qarşısını almağı bacarıblar.

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Featured in:  
Shortlink:   http://mtv.re/gxrugm

Most Viewed