Ekspert: Deputatın eyni zamanda məktəb direktoru olması qanun pozuntusudur

Eskpert hesab edir ki, Dilarə Cəbrayılovanın direktoru olduğu məktəbin yerləşdiyi ərazi strateji və narahat olduğundan bu məsələyə toxunulmur.

Source: Foto: qafqazinfo.az


“Direktor, vəzifəsinin icrasından başqa yalnız dərs deyə bilər”

Sabunçu rayonunda 295 saylı tam orta məktəbin direktoru Dilarə Cəbrayılova deputat olmaqla bərabər Dillər Universitetində də dərs deyir. Yerli mediaya müsahibəsində

Dilarə Cəbrayılova

üç yerdə çalışmasının ona problem yaratmadığını və işlərinin öhdəsindən gəldiyini deyib.

Bununla belə ona inzibati vəzifə daşıdığı halda deputat olmasının qanunlara və Konstitusiyaya zidd olduğunu xatırlatmayıblar.

Bu barədə Təhsil üzrə ekspert Kamran Əsədov Meydan TV-ə deputat Dilarə Cəbrayılova ilə bağlı sualı cavablandırarkən deyib.

O qeyd edib ki, “Təhsil haqqında”, “Milli Məclisin deputatı haqqında”, “Orta ümumtəhsil haqqında” qanunlarının tələblərinə, təhsil işçilərinin vahid sorğu cədvəlinə, orta ümumtəhsil məktəblərinin nizamnaməsinə görə məktəb direktoru deputat ola bilməz. K.Əsədov deyib ki, direktor, öz vəzifə səlahiyyətlərindən başqa yalnız dərs deyə bilər.

Əksər məktəb direktorlarının həm də məntəqə seçki komissiyalarının sədr olmasını Meydan TV-nin xatırlatmasına Kamran Əsədovun reaksiyası belə olub:

Kamran Əsədov
Kamran Əsədov

“Əgər məktəb direktoru məntəqə seçki komissiyasının sədri olursa, vəzifə səlahiyyətlərini itirir. Bu, o deməkdir ki, seçkili və başqa təyinatlı vəzifə tuta bilməz. Eyi zamanda, Azərbaycan Konstitusiyasının qanunverici hakimiyyət hissəsində qeyd olunub ki, Milli Məclisin deputatı başqa vəzifədə ola bilməz. Nəzərə almaq lazımdır ki, direktor təyinatlı vəzifədir. Əgər həmin şəxs həm də qanunverici orqandadırsa, birini seçməlidir”.

Eskpert hesab edir ki, Dilarə Cəbrayılovanın direktoru olduğu məktəbin yerləşdiyi ərazi strateji və narahat olduğundan bu məsələyə toxunulmur.

“Görünür, onun nüfuzlu olması direktor və deputat fəaliyyətinə maneə yaratmır. Amma bu, qanunvericiliyə ziddir. Mən demirəm ki, qanunvericiliyə zidd olmasına göz yumulmalıdır, ancaq anlayışla qarşılamaq olar”.

Ana səhifəSosialEkspert: Deputatın eyni zamanda məktəb direktoru olması qanun pozuntusudur