Həbs

Source: Meydan TV

Caption: Həbs

Bələdiyyə sədrləri həbs olunub

Article was updated on :  19 April 2021

Göyçay və İsmayıllıda bələdiyyə sədrləri rüşvət almaqda şübhəli bilinirlər

Göyçayın Qarabaqqal kənd bələdiyyəsinin sədri Ramin Nəbiyev, İsmayıllının isə Keyvəndi bələdiyyəsinin sədri Akif Dəmirov həbs olunub. Onlar ayrı-ayrı cinayət işləri üzrə ittiham olunsalar da, hər ikisinin işinə Baş prokuror yanında Korrupsiyaya Qarşı Mübarizə İdarəsində baxılır. Bu barədə Meydan TV-yə Baş Prokurorluğun mətbuat xidmətindən məlumat verilib.

Ramin Nəbiyevin təqsirləndirildiyi cinayət işi üzrə onunla yanaşı, Göyçay Rayon İcra Hakimiyyəti başçısının Qarabaqqal kəndi üzrə icra nümayəndəsi Qurban Kərimov və Ekologiya və Təbii Sərvətlər Nazirliyinin 8 saylı regional idarəsinin aparıcı məsləhətçisi Mübariz Hacıyev də həbs edilib. Onlar dağlıq ərazidə yerləşən və bələdiyyənin mülkiyyətində olan torpağın üst münbit qatının daşınmasına icazə verməkdə və buna görə 9 min manat rüşvət almaqda təqsirləndirilir. Adları çəkilən şəxslərə qarşı Cinayət Məcəlləsinin 311.3.1 və 311.3.3 (qabaqcadan əlbir olan bir qrup şəxs tərəfindən külli miqdarda rüşvət alma) maddələri ilə ittiham irəli sürülüb.

İsmayıllı rayonunun Keyvəndi bələdiyyəsinin sədri Akif Dəmirov isə meşə ərazisində torpağın daşınmasına köməklik adıyla pul alıb aldatmaqda günahlandırılır. Ona Cinayət Məcəlləsinin 178 (dələduzluq) və 32.4, 312.1 (rüşvət verməyə təhrik) maddələri ilə ittiham verilib.

Bələdiyyə sədrləri və onlarla birlikdə həbs olunan şəxslərin özlərini təqsirli bilib-bilmədikləri məlum deyil.

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Article was updated on :  19 April 2021
Featured in:  
Shortlink:   http://mtv.re/miuk5x

Most Viewed