Azərbaycanda gündəlik koronavirusa yoluxmanın yeni antirekordu qeydə alınıb

İki nəfər vəfat edib

Source: Архив


İki nəfər vəfat edib

Azərbaycanda 230 yeni koronavirus infeksiyasına yoluxma faktı qeydə alınıb.

Bu, ölkədə gündəlik koronavirusa yoluxma üzrə yeni antirekorddur. Mayın 28-də 191 nəfər yeni yoluxma faktı var idi.

Bu barədə Nazirlər Kabineti yanında Operativ Qərargah məlumat yayıb.

Məlumata görə, 103 nəfər müalicə olunaraq sağalıb və evə buraxılıb.

Bildirilib ki, COVID-19 üçün götürülən analiz nümunələri müsbət çıxan 1948 və 1950-ci il təvəllüdlü iki nəfər vəfat edib.

Hazırkı dövrədək ölkədə 4989 nəfərin koronavirus infeksiyasına yoluxması faktı müəyyən edilib, onlardan 3125 nəfər müalicə olunaraq sağalıb, 58 nəfər vəfat edib, 1806 nəfərin xüsusi rejimli xəstəxanalarda müalicəsi davam etdirilir. Həmin şəxslərdən 50 nəfərin vəziyyəti ağır, 67 nəfərin vəziyyəti orta ağır qiymətləndirilir, digərlərinin səhhəti stabildir.

Ötən müddət ərzində yeni yoluxma hallarının müəyyənləşdirilməsi ilə əlaqədar 289 min 603 test aparılıb.

Ana səhifəXəbərlərAzərbaycanda gündəlik koronavirusa yoluxmanın yeni antirekordu qeydə alınıb