Mariya Peyçinoviç Buriç

Source: Turan İA

Caption: Mariya Peyçinoviç Buriç

Avropa Şurasının rəhbərliyi Qarabağ müharibəsi zamanı jurnalistlərə qoyulan məhdudiyyətlərdən danışıb

“Akkreditasiya alanlar “Frans 24” kanalının xüsusi müxbiri kimi sərbəst hərəkət edə bilmirdilər”

“Qarabağ müharibəsi zamanı Azərbaycanda ciddi məhdudiyyətlər tətbiq edilib. “Facebook”, “Twitte”, “Whatsap”", “Youtube” və digər sosial şəbəkələr bu müddətdə Rabitə Nazirliyi tərəfindən dəfələrlə bloklanıb”.

Bu açıqlama Avropa Şurasının Baş katibi Mariya Peyçinoviç Buriç və şuranın sədri Kristin Lambrextin 3 may - Ümumdünya Mətbuat Azadlığı Günü ilə bağlı birgə bəyanatında yer alıb.

Bəyanatda deyilir ki, Azərbaycanda bir neçə xarici jurnalistə ölkəyə daxil olmaq qadağan edilmişdi:

“Akkreditasiya alanlar isə “Frans 24” kanalının xüsusi müxbiri Ketrin Norris Trent kimi sərbəst hərəkət edə bilmirdilər”.

Bəyanat müəllifləri vurğulayıblar ki, Dağlıq Qarabağa gələn reportyorlar Azərbaycan hakimiyyətinin qara siyahısına düşüblər:

“Azərbaycan Xarici İşlər Nazirliyi bəyan edib ki, Bakı Dağlıq Qarabağa icazəsiz daxil olan jurnalistlərin təhlükəsizliyinə görə məsuliyyət daşımır”.

Şuranın Baş katibi və sədri “ifadə azadlığı hüququ Avropa İnsan Hüquqları Konvensiyasının 10-cu maddəsində təsbit edilib ki, bunu Avropa İttifaqının 27 üzvü daxil olmaqla, Avropa Şurasının üzvü olan 47 dövlət öz üzərinə götürüb” deyə xüsusi vurğulayıb:

“Demokratiya şəraitində jurnalistlər həqiqətin üzə çıxarılmasında və hakimiyyət nümayəndələrinin məsuliyyətə cəlb edilməsində mühüm rol oynayırlar. Onların vəzifəsi vətəndaşların vaxtında, dəqiq və etibarlı məlumat əldə etməsini təmin etməkdir ki, Covid-19 pandemiyası kontekstində bu, daha da əhəmiyyət daşıyır”.

Bəyanatda Azərbaycan və Ermənistan hökumətlərinə tövsiyə edilib ki, mülki şəxslərə qarşı beynəlxalq hüquqa dair öhdəliklərə əməl etsinlər:

“Jurnalistlərə hücumlar hərbi cinayət sayılır. Silahlı münaqişəyə cəlb olunmuş dövlətlər öz silahlı qüvvələrinə və polisə göstəriş verməlidir ki, jurnalistlərə lazımi yardım göstərsinlər. Onlar inzibati maneələri aradan qaldırmalı və viza rejiminin sadələşdirilməsi, müvafiq əraziyə giriş, lazımi yardımın göstərilməsi də daxil olmaqla jurnalistlərin imkanlarını asanlaşdırmalı, məhdudlaşdırıcı tədbirlər tətbiq olunmamalı, akkreditasiyadan məhrum etməməlidirlər. Bu, həm yerli, həm də xarici jurnalistlərə aiddir”.

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Featured in:  
Shortlink:   http://mtv.re/kwctr9

Most Viewed