Yelena Milaşina

Source: Foto: google.az

Caption: Yelena Milaşina

Araşdırmaçı jurnalistə Çeçenistanda hücum edilib

Milaşina polisə müraciət etdiyini bildirib

Rusiyanın tanınmış araşdırmaçı jurnalisti Yelena Milaşina və insan hüquqları üzrə vəkil Marina Dubrovina Çeçenistanda hücuma məruz qalıb.

RFE/RL xəbər verir ki, fevralın 6-da Moskva mərkəzli “Novaya qazeta”nın müxbiri və vəkilinə məşhur bir blogerin məhkəməsi üçün Çeçenistanın paytaxtı Qroznıdaykən naməlum şəxs tərəfindən hücum edilib.

Hadisədən sonra Milaşina “Facebook” səhifəsində polisə etdiyi şikayətinin bir surətini paylaşıb.

Qadınların da daxil olduğu qrup otelin girişində Milaşina və Dubrovinaya hücum edərək onları yumruq və təpiklə vurublar.

Qəzet əlavə edib ki, hadisə naməlum şəxslər tərəfindən lentə alınıb.

Hər iki qadın yerli bloger İslam Nuxanovun məhkəməsində iştirak etmək üçün Qroznıya gedib. Nuxanov Çeçenistanın Kreml tərəfindən dəstəklənən lideri Ramzan Kadırovun və onun yaxınlarının yaşadığı iddia edilən xüsusi məhəlləni lentə aldığı və internetdə yerləşdirdiyi üçün ittiham edilir.

Rəsmi olaraq Nuxanov qanunsuz silah saxlamaqda ittiham olunur.

Milaşina Çeçenistanda insan haqlarının gərgin vəziyyətinə dair araşdırmalarıyla məşhurdur. Kadırov Milaşinanın araşdırmalarını açıq şəkildə rədd edib.

İctimai fəallar deyir ki, 2007-ci ildən bu yana Çeçenistanı idarə edən Kadırov repressiv tədbirlərə əl ataraq regiondakı təhlükəsizlik qüvvələri üçün cəzasızlıq mühiti yaradıb. Onlar iddia edirlər ki, Kadırov Çeçenistan hakimiyyəti tərəfindən müxaliflərin susdurulmasında və qorxudulmasında, onların oğurlanmasında, işgəncələrə məruz qalmasında və qətlində birbaşa məsuliyyət daşıyır.

Kremlin tənqidçiləri Putinin Kadırovun törətdiyi qanun pozuntularına göz yumduğunu söyləyir. Putinin bu addımının əsas səbəbinin keçmiş komandirə indiyədək iki post-sovet müharibəyə ev sahibliyi etmiş Çeçenistanda separat qüvvələri idarə etməkdə etibar etməsidir.

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Featured in:  
Shortlink:   http://mtv.re/98ioei

Most Viewed