Ağstafa rayon prokurorluğu

Source: Azərtac

Caption: Ağstafa rayon prokurorluğu

Ağstafada icra nümayəndəsi həbs olundu

Article was updated on :  3 May 2021

Cinayət işi vətəndaşın Ağstafa rayon prokurorluğuna şikayəti əsasında başlanıb

Ağstafa Rayon İcra Hakimiyyəti başçısının Həsənsu kəndi üzrə nümayəndəsi Vəkil Vəliyev həbs olunub. Baş Prokurorluğun mətbuat xidmətindən Meydan TV-yə verilən məlumatda bildirilir ki, icra nümayəndəsi Cinayət Məcəlləsinin 178 (dələduzluq), 308 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələrilə ittiham olunur.

Vəkil Vəliyev haqqında cinayət işi vətəndaşın Ağstafa rayon prokurorluğuna şikayəti əsasında başlanıb. O, 2019-cu ilin fevralından 2020-ci ilin dekabrına qədər ümumilikdə 7900 manat pulu ələ keçirməkdə ittiham olunur.

İttihama əsasən, icra nümayəndəsi 2019-cu ilin fevralından “DOST İş Mərkəzi” MMC-də vətəndaşları sosial işçi kimi qeydiyyata aldırıb, onlar işə gəlmədikləri halda, davamiyyət cədvəllərinə işdə olmaları haqda yalan məlumatlar yazılıb. Həmin şəxslərin adlarına olan əməkhaqqı kartlarını da özündə saxlayıb, pulları özü çıxarıb.

Vəkil Vəliyev aprelin 30-da təqsirləndirilən şəxs qismində cəlb olunub. Ağstafa rayon Məhkəməsinin qərarıyla barəsində həbs qətimkan tədbiri seçilib.

Vəkil Vəliyevin vəkili və ya ailə üzvlərindən bu ittihamlara münasibət öyrənmək mümkün olmayıb.

Ağstafanın keçmiş icra başçısı Nizaməddin Quliyev, onun birinci müavini olmuş Ramiz Tatarov və rayonun bir sıra başqa vəzifəli şəxsləri 2019-cu ilin dekabrında DTX əməkdaşlarının keçirdiyi əməliyyat nəticəsində həbs olunub. Hazırda Gəncə Ağır Cinayətlər Məhkəməsində onların mühakiməsi davam edir.

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Article was updated on :  3 May 2021
Featured in:  
Shortlink:   http://mtv.re/riqydh

Most Viewed