ADO

Source: Meydan TV

Caption: ADO

ADO rəhbəri: "Mədəniyyət Nazirliyi və fəxri adlar ləğv edilsin"

"Nazirlik ləğv olunsa, bu, mədəniyyətin inkişafı üçün böyük təkan olacaq”

ADO (Azərbaycan Dağınıq Oda) teatrının rəhbəri Elmin Bədəlov Mədəniyyət Nazirliyinin ləğvini və fəxri adların yığışdırılmasını təklif edir.

Bu barədə teatrın yaydığı açıqlamada deyilir.

Açıqlamda bildirilir ki, Mədəniyyət nazirinin birinci müavini, hazırda nazir vəzifəsini müvəqqəti icra edən Anar Kərimov fəxri adların verilməsi ilə bağlı prosedurun dəyişdirilməsi məsələsini səsləndirib.

ADO teatrının rəhbəri Elmin Bədəlov deyir ki, mədəniyyətə, mədəniyyət insanlarına azadlıq verilməlidir: “Ümumiyyətlə Mədəniyyət Nazirliyinə, bu qədər nazirlik əməkdaşına, nazirə ehtiyac yoxdur. Mədəniyyət azad olmalıdır. Məsələn, xırda bir komitə və ya buna bənzər bir qurum ola bilər. O da ki, maaşlar, təmir və s. xırda texniki məsələləri həll etmək üçün. Azərbaycanda nazirliyin mədəniyyətə ziyanından başqa bir tərəfi yoxdur”.

Fəxri adlara gəlincə, Elmin Bədəlov deyir ki, bu adlar sovet dövründən bu günə qədər incəsənət adamlarını idarə etməyə, əldə saxlamağa hesablanmış bir vasitədir.

Hər zaman fəxri ad verdikləri incəsənət insanları, rəsmi də olmasa qeyri rəsmi öhdəliklər icra ediblər, özünüsenzuraya məruz qalıblar: “Hesab edirəm ki, fəxri adların verilməsi dayandırılsa və nazirlik ləğv olunsa, bu, ölkəmizdə mədəniyyətin inkişafı üçün çox böyük təkan olacaq”.

Elmin Bədəlov aktyor və rejissordur.

O, 15 iyul 2013-cü ildə ADO teatrını yaradıb.

ADO Azərbaycanın ilk müstəqil və modern teatrı kimi tanınır.

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Featured in:  
Shortlink:   http://mtv.re/taf43n

Most Viewed