Rada rejissor Oleq Sentsovun Nobel sülh mükafatına namizədliyini irəli sürüb

Oleq Sentsov Foto: Radio Svoboda

Məqalə Hromadske saytında dərc olunub.

Ali Rada, ukraynalı rejissor, Rusiya Federasiyasında qeyri-qanuni olaraq həbs olunan siyasi məhbus Oleq Sentsovu Nobel Sülh Mükafatına namizəd göstərib.

İyulun 17-də keçirilən iclasda müvafiq qətnamə layihəsinin lehinə 245 deputat səs verib.

Sənəd Ali Radanın sədri Andrey Parubiyin dərhal Norveç Nobel Komitəsinə verməli olduğu parlament bəyanatını ehtiva edir.

“Oleq Sentsov qanunsuz həbsdə saxlandığı vaxt ərzində öz həyatını təhlükə altına ataraq əsas insan hüquq və azadlıqları uğrunda mübarizədə cəsarətli qeyri-zorakı müqavimət nümunəsi nümayiş etdirir. Ukrayna Ali Radası Oleq Sentsovu Nobel sülh mükafatına namizəd olaraq təqdim edir”, - müraciətdə deyilir.

Xatırladaq ki, parlamentin Oleq Sentsovla bağlı müvafiq namizədlik təşəbbüsü sentyabrın 4-də “Petr Poroşenko bloku” fraksiyasının müavinlərindən birinin açıqlamasından məlum olub.

Daha əvvəl bildirilirdi ki, Polşa Film Akademiyası Sentsovu Nobel Sülh Mükafatına təqdim etməyi təklif edir.

Polşanın keçmiş prezidenti Nobel Sülh Mükafatı laureatı Lex Valensa, Polşa Film Akademiyasının Sentsovu müdafiəyə qalxması və Nobel Sülh Mükafatına namizəd göstərilməsi üçün bəyanat verməsi müraciəti ilə bağlı fikirlərini səsləndirib.

“Mən əminliklə deyə bilərəm ki, Oleq Sentsovun hərəkətləri dünyanın gələcəyi üçün dinc mübarizədə məni motivasiya edən bütün idealları təmsil edir. Demokratiyaya inam; dinc mübarizəyə inam; nifrətdən imtina; xalqlar arasındakı həmrəylik yolunda əmək və digər insanlar, ədalətsiz zərər çəkmiş insanlar uğrunda özünü tamamilə qurban vermək: bütün bunlar, azad dünyada tanınmağa layiq yüksək xüsusiyyətlərdir. Bu səbəblərdən ötrü Oleq Sentsovun azad olunmasına kömək edilməsi üçün bütün yaxşı niyyətli insanlara müraciət edirəm və Oleq Sentsovu Nobel Sülh Mükafatına təqdim edirəm”, - Valensa o zaman bildirmişdi.

Ukrayna Mədəniyyət naziri Yevgeniy Nişuk qeyd edib: “Bu, dünyanın hər yerinə yayılmalı olan qeyri-adi bir xəbərdir və əminəm ki, Ukraynalı yaradıcının həyatını xilas edəcək”. O, bu qərara görə Polşalı həmkarlarına təşəkkür etdi. “Oleq hamıdan artıq bu cür fərqlənməyə layiqdir”, - nazir bildirib.

Rusiyada qanunsuz 20 il həbsə məhkum edilmiş ukraynalı siyasi məhbus Oleq Sentsov, 2018-ci il mayın 16-da Rusiya Federasiyası ərazisindəki bütün ukraynalı siyasi məhbusların azad edilməsi tələbilə müddətsiz aclıq aksiyası elan etdi. Mayın 28-də Sentsov dəstəkləyici terapiyaya razılaşdı.

Ukraynalı rejissor Oleq Sentsov və fəal Aleksandr Kolçenko 2014-cü il 10 may tarixində Krımda saxlanılıb. Terror aktı hazırlamaqda təqsirləndirilən Kolçenko 10, Sentsov isə 20 il həbs cəzasına məhkum edildi. Onlarla yanaşı, Aleksey Çirniya və Gennadi Afanasyev də saxlanıldı (Afanasyev 2016-cı ildə mübadilə edildi).

Qeyd edək ki, Rusiyada və ilhaq olunmuş Krımda, hüquq müdafiəçilərin məlumatlarına görə 64 ukraynalı siyasi məhbus nəzarətdə saxlanılır, onlardan 27-i Rusiyanın ərazisindədir. 58-i - Krımda və ya Krımla əlaqəli məsələlərlə bağlı saxlanılıb.

Bu göstəricilər separatçı respublikaların ərazisində saxlanılan girovları nəzərə almır.