Mustafa Hacıbəyli polisə aparılıb

Mustafa Hacıbəyli

Arif Hacılı: ''Polisə aparılması onun redaktor fəaliyyəti ilə bağlıdır''

“Bastainfo” saytının baş redaktoru Mustafa Hacıbəyli Binəqədi Rayon Polis İdarəsinə aparılıb.

Bu barədə Mustafa Hacıbəylinin qardaşı, Müsavat Partiyasının başqanı Arif Hacılı Meydan TV-yə deyib.

Arif Hacılı 1 saat əvvəl Mustafa Hacıbəylinin yaşadığı mənzilə 4 nəfər mülki geyimli polisin gəldiyini söyləyib:

“Biz onlara Mustafa bəyin Müsavat Partiyasının qərargahında olduğunu bildirdik. Gəlib qərargahdan apardılar”.

Başqanın sözlərinə görə, Mustafa Hacıbəylinin polisə aparılması redaktoru olduğu “Bastainfo” saytının fəaliyyəti ilə bağlıdır.

“Mustafa Hacıbəyli Binəqədi Rayon Polis İdarəsinə vəkilsiz gedib”, - Arif Hacılı belə deyib.

Mustafa Hacıbəyli Bakı Şəhər Prokurorluğunda ifadə verəndən sonra sərbəst buraxılıb.