Avropa Məhkəməsi daha 15 iş üzrə qərarını açıqladı

Avropa Məhkəməsi foto sosial şəbəkə

10 nəfərə kompensasiya ödənilməlidir

 

Fevralın 16-da Avropa Məhkəməsi 10 nəfərin 15 işi üzrə qərarlarını elan edib. Qərarlar qanunsuz həbsə məruz qalma, sərbəst toplaşma ədalətli araşdırma hüquqlarının pozuntusu ilə bağlıdır.

Bu barədə həmin şəxsləri müdafiə edən vəkil Əsabəli Mustafayev öz "Facebook" səhifəsində yazıb.  

Pozuntuları tanınan şəxslər bunlardır: 

Məcid Məcidli - 9000 avro; Bayram Bayramov və Məhəmməd Məcidli, hər biri 10000 avro; Babək Həsənov, İkram İsrafil, Tural Abbasli, Ağayev Hikmət, Rövşən Quliyev hər biri 12 000 avro;  Gözəl Bayramova 12 000 +1900 avro (məhkəmə qərarı ilə ödədiyi 2000 manat cərimənin əvəzi), Cəmilə Hacıyev 12000+ 470 (cərimənin əvəzi) avro. Bu şəxslərin hər birinə nəzərdə tutulan kompensassiya ödənilməlidir.

Vəkil 15 iş üzrə 9700 avro hüquqi xidmət haqqı verilməli olduğunu qeyd edib. 

O, həm də Avropa Məhkəməsinin Vidadi İsgəndərli haqda qərarının elan olunduğunu bildirib. Bu işdə vəkil başqa şəxsdir. Həmin iş üzrə kompensasiya 12000 avrodur, daha 1800 avro isə hüquqi xidmətə görə ödənməlidir. 

"Avropa Məhkəməsi tək-tək olan işlərdə hüquqi yardıma görə daha yüksək məbləq təyin edir",-deyə Ə.Mustafayev vurğulayıb.