Meydan TV

 

 

Biz nə edirik ?

Meydan TV həftəlik onlayn televiziya kanalıdır. Tamaşaçıların Azərbaycan haqqında xəbər əldə edə biləcəyi müstəqil və tərəfsiz platformadır. Meydan sözü ifadə azadlığı uğrunda mübarizənin rəmzidir. Meydan TV son illərdə Azərbaycan xalqının itirdiyi bir çox özünifadə meydanlarını özünə qaytarılmasına xidmət edən bir media platformasıdır.

Məqsədimiz Azərbaycanda ifadə azadlığının genişlənməsi, ictimai müzakirələrin təşkili və mədəni mühitə töhfə verməkdir.  Meydan TV yayımı peşəkar jurnalistika tələblərinə əsaslanan ictimai-siyasi və mədəni proqramlardan ibarətdir.  Biz tamaşaçılara Azərbaycanla bağlı alternativ və yaradıcı ictimai müzakirələr təqdim edilik.  Fərqli qütblərdə olan insanların müxtəlif məsələlərlə bağlı muzakirələrini təşkil edirik.  Ümid edirik ki, bizim bu işimiz cəmiyyətdə müsbət və kostruktiv dialoqun formalaşmasına kömək edəcək. 

 

 Biz nə ilə üzləşirik.

Azərbaycanda yerli kütləvi informasiya vasitələrində media azadlığının vəziyyəti ildən ilə pisləşir. Hazırkı hakimiyyət media bazarında siyasi və kommersiya monopoliyasını gücləndirir. Azərbaycanlıların əksəriyyəti informasiyanı yalnız hakimiyyətin nəzərati altında yayınlanan media vasitələrdən əldə edə bilir.  Geniş auditoriyaya çıxışı olan bütün kütləvi informasiya vasitələri əsasən İlham Əliyev və onun xanımı Mehriban Əliyevanın fəaliyyətini işıqlandırır. Tənqidi proqramlar təzyiqlərə məruz qalır və proqramın əməkdaşları döyülmək, şantaj və həbs olunmaq təhlükəsi ilə üzləşirlər.

 Meydan Tv yalnız bir dəfə 15 May 2013-də peyk vasitəsilə yayınlanıb. Təəssüf ki, həmin tarixdən etibarən Azərbaycanda Meydan TV-in yayınlamasına müdaxilə edilir və yayının qarşısı alınır. 

Meydan TV-in, Azadlıq Radiosu və Azərbaycan Saatı proqramlarının peyk vasitəsilə yayınlanmasına yaradılan əngəllər haqqında buradan məlumat əldə edə bilərsiniz. Buna baxmayaraq, Meydan TV Azərbaycanin bölgələrində və Azerbaycandan kənarda yaşayan həmvətənlərimizə peyk və İnternet vasitəsi ilə yayımlanacağdır.