Şəkinin yeganə papaqçısı

Dərc olunub [MƏDƏNİYYƏT]

Aqil Kərimov 1972-ci ildə Şəkidə anadan olub. 25 ildir ki, papaqçı işləyir. Dediyinə görə, əvvəllər Azərbaycanda 650 papaqçı olub, onlardan da 250-si Şəkidə yaşayıb. Hazırda Şəkidə Aqildən başqa heç kim bu sahə ilə məşğul olmur. Səbəb isə papaqçılığa olan marağın azalmasıdır.

Aqil usta deyir ki, sənətkarın yorğunluğu onun əl işinin satışından çıxır:

"Alver olmayanda həvəsdən düşürəm. Biz sənətkarların da yorğunluğu çəkdiyi əziyyətin bəhrəsini görəndə çıxır. Satış edəndə daha həvəslə işləyirəm, amma bəzən elə olur ki, günlərlə tikdiyim papaqları alan olmur".

"91-92-ci ildə Xalq Cəbhəsinin dövründə papaq tikib çatdıra bilmirdik. Hər gün 15-20 papaq tikib satırdıq. İndi isə ayda 5-10 papaq sifarişi olar, ya yox. Ata-baba sənətim olduğu üçün bunu tərk etmirəm, yoxsa başqa sahəyə gedərəm. Bu sənəti yaşatmaq istəyirəm" - deyir Aqil usta.

Aqil ustanın tikdiyi papaqlar 25 manatdan başlayaraq 500-600 manata qədər davam edir
Aqil ustanın tikdiyi papaqlar 25 manatdan başlayaraq 500-600 manata qədər davam edir.

Aqil usta deyir ki, sifariş olsa, gecəyə qədər papaq tikər. Amma təəssüflənir ki, sifarişlərin sayı çox azdır
Aqil usta deyir ki, sifariş olsa, gecəyə qədər papaq tikər. Amma təəssüflənir ki, sifarişlərin sayı çox azdır.

'Əvvəllər Şəkidə 250 papaqçı var idi, indi bu sənəti yalnız mən davam etdirirəm'
'Əvvəllər Şəkidə 250 papaqçı var idi, indi bu sənəti yalnız mən davam etdirirəm'.

Bu papağın adı ''Şahbəsənti'' adlanır. ''Hökmdarın taleyi'' filmi üçün tikmişdim
Bu papağın adı ''Şahbəsənti'' adlanır. ''Hökmdarın taleyi'' filmi üçün tikmişdim.

''Bu papaqları qadınlar üçün tikmişəm. Öz beynimin məhsuludur''
''Bu papaqları qadınlar üçün tikmişəm. Öz beynimin məhsuludur''.

''Əvvəllər daha çox sifariş götürərdim. İndi ayda 15-20 sifarişim ola, ya olmaya''
''Əvvəllər daha çox sifariş götürərdim. İndi ayda 15-20 sifarişim ola, ya olmaya''.

''Soldakı general papağıdır 1 həftəyə hazırlamışam, sağdakı da qədim kişilərin istifadə etdiyi ''Şahbəsənti'' papağıdır''
''Soldakı general papağıdır 1 həftəyə hazırlamışam, sağdakı da qədim kişilərin istifadə etdiyi ''Şahbəsənti'' papağıdır''.

Dərilərin hamısı Buxaradan gəlir. 2-3 günlük quzunun dərisidir.
Dərilərin hamısı Buxaradan gəlir. 2-3 günlük quzunun dərisidir. .

''Tikdiyim papaqlar dəfələrlə sərgilərdə nümayiş olunub''
''Tikdiyim papaqlar dəfələrlə sərgilərdə nümayiş olunub''.

''Bəzən Şəkiyə gələn turistlər tikdiyim papaqlardan alır, amma yerli camaatımızın marağı azdır''
''Bəzən Şəkiyə gələn turistlər tikdiyim papaqlardan alır, amma yerli camaatımızın marağı azdır''.