Xalq şairi Zəlimxan Yaqub uzun sürən xəstəlikdən sonra dünyasını dəyişib.
Bu barədə məlumatı anspress-ə ailəsi verib.
Zəlimxan Yaqub uzun müddətdir böyrək çatışmazlığından əziyyət çəkib. Hər iki böyrəyi olmayan xalq şairi son vaxtlar dializ qəbul etməklə yaşayırdı.
Zəlimxan Yaqub 1950-ci il yanvarın 21-də Borçalının Bolnisi rayonunda anadan olub. 2005-ci ildə “Azərbaycanın xalq şairi” fəxri adına layiq görülən Zəlimxan Yaqub Məmməd Araz ədəbi mükafatı, “Şöhrət” ordeni və Gürcüstan Respublikasının “Şərəf” ordeni kimi bir sıra yüksək mükafatlara layiq görülüb.
1995-2005-ci illərdə Milli Məclisinin deputatı olub.
2008-ci il avqust ayının 29-da Azərbaycan Aşıqlar Birliyinin sədri, 1994-cü ildə Azərbaycan Respublikası Prezidenti yanında Əfv Komissiyasının üzvü olub.
