Mənbə: Meydan TV

“Zəhmətimizlə ev almamışıq ki, harın məmurlar yeyib bizə meydan oxusunlar”

“Zəhmətimizlə ev almamışıq ki, harın məmurlar yeyib bizə meydan oxusunlar”

Sakinlər artıq üç ildir sökülən evlərinin yerində yenisinin tikiləcəyini gözləyirlər.

2017-ci ilin oktyabrında "EVROSTROY-S.S" şirkəti Nərimanov rayonu, Firdovsi Məmmədov 17 ünvanında yaşayan sakinlərlə müqavilə bağlayıb. “Pilot layihə” deyə təqdim olunan müqaviləyə əsasən sakinlərin yaşadığı evlər sökülüb, yerində bina tikiləcək və onlara buradan ev veriləcəkdi. Müqavilənin şərtlərinə görə şirkət 20 ay müddətində binanı təmirli şəkildə sakinlərə təhvil verməli idi. Qoyulan vaxt ötən ilin iyul ayında bitsə də, binanın tikintisi bitməyib.

Müqaviləyə görə bina hazır olana qədər sakinlər şirkətin hesabına kirayə evlərə çıxarılıb. Şikayətçilər isə son 2 ildə kirayə ödənişlərini də çətinliklə aldıqlarını deyirlər.

Sakinlər tikintinin sifarişçisi olan Nərimanov Rayon İcra Hakimiyyətinə yola düşüblər. Onlar qurumun qarşısındakı magistral yolu bağlayaraq etiraz ediblər. Aksiya zamanı Rasim Axundov adlı şəxs saxlanılıb. 18-ci polis bölməsinə aparılan vətəndaş inzibati qaydayla 50 manat məbləğində cərimə olunub.

Hazırda adı dəyişdirilərək “Sipark” MMC edilən şirkətin əməkdaşı tikintinin 2021-ci ilin mart ayında yekunlaşacağını bildirib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/ayv9a6

Ən çox baxılan