Yevlax Rayon Mərkəzi Xəstəxanası

Mənbə: Azərtac

Başlıq: Yevlax Rayon Mərkəzi Xəstəxanası

Yevlaxda xəstəxana rəhbərliyi saxta arayış verməkdə ittiham olunur

Faktla bağlı Yevlax Rayon Prokurorluğunda cinayət işi başlanıb

Yevlax Rayon Mərkəzi Xəstəxanasının vəzifəli şəxslərinə cinayət işi açılıb. Səbəb karantin rejimini qəsdən pozmalarıdır.

Məlumatı Baş Prokurorluq yayıb.

Həmin məlumatda bildirilir ki, Yevlax Rayon Mərkəzi Xəstəxanasının vəzifəli şəxsləri xüsusi karantin rejimi ilə əlaqədar qurulmuş postlardan keçmələri üçün rayon sakinlərinə saxta tibbi göndəriş vərəqələri veriblər. Bu barədə daxil olmuş şikayətlət əsasında rayon prokurorluğunda araşdırma aparılıb.

“Araşdırma zamanı məlum olub ki, xəstəxananın vəzifəli şəxsləri rayonun ayrı-ayrı sakinlərinə xüsusi karantin rejimi ilə əlaqədar quraşdırılmış postlarda təqdim etmək üçün saxta tibbi göndəriş vərəqələri veriblər. Bununla onlar cəmiyyətin və dövlətin qanunla qorunan mənafelərinə zərər vurublar”.

Faktla bağlı Yevlax Rayon Prokurorluğunda Cinayət Məcəlləsinin 308.1 (vəzifə səlahiyyətlərindən sui-istifadə) maddəsi ilə cinayət işi başlanıb.

Məlumatda deyilir ki, hazırda cinayət işi üzrə təqsirli şəxslərin dairəsinin tam müəyyənləşdirilərək məsuliyyətə cəlb edilməsi, o cümlədən cinayətin törədilməsində bu və ya digər formada iştirak etmiş şəxslərin aşkar edilməsi istiqamətində zəruri və intensiv istintaq-əməliyyat tədbirləri davam etdirilir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/dj10ll

Ən çox baxılan