“Qaçqınkom”-a düşən yolda bir bina var. Üstü-başı düzəldilib, axırıncı mərtəbəsinə şifer vurulub. O şifer yeddimərtəbəli binanın səkkizinci mərtəbəsini gizlədir. “Səkkizinci mərtəbə”-də 4 ailə yaşayır. Onlar məcburi köçkünlərdir. Binada yer olmadığına görə dama qalxıblar. Orada özlərinə taxtadan ev düzəldiblər.
1993-cü ildən “səkkizinci mərtəbə”də yaşayan Xocavənd rayon köçkünü Bəsdi Quliyeva deyir ki, vəziyyətlərindən şikayətləndikcə, gəlib binanın üstünü bəzəyirlər, içi qalır.
