Valideynləri DİN və ombudsmana müraciət hazırlayırlar
Klassik Xalq Cəbhəsi Partiyasının fəalı Ceyhun Nəbidən iki gündür ki, xəbər yoxdur.
Bunu Meydan TV-ə onun atası Sərdar Nəbiyev deyib.
C.Nəbi
üç ay Rusiyada qaldıqdan sonra, oktyabın 23-də Şəmkirə gəlib və orada saxlanılıb.
Fəalın atası bildirib ki, bu gün C.Nəbinin saxlandığını ehtimal etdikləri DİN Baş Mütəşəkkil Cinayətkarlığa Qarşı Mübarizə İdarəsinə gedib. Lakin orada hər hansı informasiya verilməyib.
Doğmaları DİN-in “102” qaynar xəttinə də müraciət ediblər, ancaq cavab almayıblar. Onlar vəkil tutmaq qərarına gəliblər, həmçinin ombudsmana və Daxili İşlər Nazirliyinə müraciət hazırlayırlar.
C.Nəbi cümhuriyyət dövrünün araşdırıcısıdır, bu tarixdən bəhs edən “Sovetlərlə üz-üzə” kitabının müəllifidir. O, həmçinin “Facebook” sosial şəbəkəsində Azərbaycan hakimiyyətini kəskin tənqid edirdi.
