Dağlıq bölgələrə qar yağacaq
Aprelin 11-i Bakı və Abşeron yarımadasında havanın dəyişkən buludlu olacağı bildirilir.
Məlumatı Ekologiya və Təbii Sərvətlər Nazirliyinin Milli Hidrometeorologiya Departamenti yayıb. Bildirir ki, axşam yarımadanın bəzi yerlərində yağış yağacağı ehtimalı var. Gecə 5-8, gündüz 12-17, Bakıda gecə 6-8, gündüz 14-16 dərəcə isti olacaq.
Azərbaycanın bəzi rayonlarında da şimşək çaxacağı, arabir yağış yağacağı bildirilir. Dağlıq ərazilərdə isə qar gözlənilir. Gecə 3-7, gündüz 13-18 dərəcə isti, dağlarda gecə 2 dərəcə şaxtadan 3 dərəcəyə kimi isti, gündüz 6-11 dərəcə isti təxmin edilir.
