Xərçəng xəstəliyinə qalib gələn qadın

3 il depressiyada olub, özünə ölüm arzulayan Aynur həmin günlərdə xərçəng xəstəsi olduğunu öyrənir. “Hamama girdim çıxdım bütün həyatım dəyişdi”- deyir. Yuyunanda sinəsində şiş olduğunu fərq edir. Əli ilə toxunanda ağrı hiss eləmir. “Ağrı yoxdursa, demək xərçəngəm dedim və anamı çağırdım”. Analizlər də onun fikrini təsdiqləyir, süd vəzisində xərçəng aşkarlanır. Xəstəliyi 3-cü mərhələdə olub. 2016-cı ildə xərçəngə tutulduğunu öyrənəndə fikrini dəyişir, artıq ölmək istəmirdi.

O, müalicələrə başlayır, 5 saatlıq əməliyyat keçirir və sonra xərçəngə qalib gəlir. İndi hər 6 aydan bir analiz verir və xəstəlikdən əsər-əlamət qalmadığını görür. Deyir, hər şey nə düşündüyünlə bağlıdır. Əgər özünü xəstə hesab etmirsənsə, demək xəstə deyilsən.

1993 –cü ildən Ümumdünya Səhiyyə Təşkilatı oktyabrı süd vəzi xərçəngi ilə mübarizə ayı elan edib. Təşkilata görə hər il dünyada 1 milyondan çox yeni süd vəzi xərçəngi xəstəliyi aşkar olunur. Süd vəzi xərçəngi ildə 400 mindən artıq insanın həyatına son qoyur.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/srqww4

Ən çox baxılan