Mənbə: Meydan.TV

Xədicə İsmayılova: Məhkəmə dedi ki, islah olunmamısan

Xədicə İsmayılova: Məhkəmə dedi ki, islah olunmamısan

Binəqədi rayon Məhkəməsinin hakimi Abbas Rzayevin sədrliyi ilə araşdırmaçı jurnalist Xədicə İsmayılın verdiyi şikayət ərizəsinə baxılıb. Jurnalist 2 il 3 ay şərti cəza ilə bağlı 5 illik sınaq müddətinin dayandırılmasını, məhkumluğun ləğv edilməsini xahiş edib. Hakim şikayəti təmin etməyib. Səbəb kimi jurnalistin islah olunmadığını bildirib. Jurnalist qərardan apellyasiya şikayəti verəcəyini deyib.

Araşdırmaçı jurnalist Xədicə İsmayılova 2014-cü ilin dekabrın 5-də həbs olunub. O, qanunsuz sahibkarlıq, vergidən yayınma, vəzifə səlahiyyətlərindən sui-istifadə, mənimsəmə maddələri ilə 7 il 6 ay müddətinə azadlıqdan məhrum edilib. Daha sonra Ali Məhkəmə ona iki maddə üzrə bəraət verib, vergidən yayınma və qanunsuz sahibkarlıq maddələri üzrə 5 il sınaq müddəti olmaqla 3 il 6 ay şərti cəzaya məhkum edib. 2016-cı ilin iyununda Cinayət Məcəlləsinə edilən dəyişikliklər nəticəsində cəzası 5 il sınaq müddəti olmaqla 2 il 3 aya endirildi.

Xədicə İsmayılova 1 il 6 aya yaxın həbsdə olub. Cəzası şərti olmadığı halda, çəkiləcək həbs müddəti 9 ay idi.

2016-cı ilin mayında şərti azadlığa çıxandan bəri jurnalistin ölkədən çıxışına qadağa var və o, ayda bir dəfə Məhkəmə qərarlarının icrası və probasiya xidmətinə hesabat verir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/r4ozyh

Ən çox baxılan