Təcridxana rəhbərliyi məktubu məqsədəuyğun hesab etməyib
Həbsdə olan araşdırmaçı-jurnalist Xədicə İsmayılın Ədliyyə Nazirliyinin Penitensiar Xidmətinin rəisinə ünvanladığı məktub göndərilməyib. Bu barədə Meydan TV-yə məlumatı jurnalistin vəkili Fariz Namazlı verib. Onun sözlərinə görə, həmin məktub Xədicə İsmayılın vəkili Yalçın İmanovla görüşünə icazə verilməməsi ilə bağlı olub: “Məktubu mayın 4-də göndərib. Ayın 6-da qeydiyyat şöbəsinin rəisi gəlib Xədicə İsmayıla deyib ki, məktubu göndərmək məqsədəuyğun hesab edilmədi”.
Meydan TV məsələ ilə bağlı Penitensiar Xidmətə yazılı sorğu göndərsə də, günün sonu olduğundan cavab verilməyib.
