Ötən ilin dekabrın 5-də həbs olunan Xədicə İsmayıl həbs müddətində ilk dəfəydi ki, yaxınları ilə görüşürdü
Martın 24-də araşdırmaçı jurnalist Xədicə İsmayıl yaxınları ilıə görüşüb. Meydan TV-yə məlumatı məhbus jurnalistin yaxınları verib.
Jurnalistin əhval-ruhiyyəsinin yaxşı olduğu, dostlara salam göndərdiyi və Novruz Bayramlarını təbrik etdiyi bildirilir: “Dedi ki, güclü və möhkəm olun”.
Ötən ilin dekabrın 5-də həbs olunan Xədicə İsmayıl həbs müddətində ilk dəfəydi ki, yaxınları ilə görüşürdü.
Jurnalist ötən ilin dekabrın 5-də Tural Mustafayevi özünü öldürmə həddinə çatdırma ittihamı ilə həbs edilmişdi. Yanvarın 27-də həmkarımızın həbs müddəti 2 ay daha uzadılmışdı.
Fevralın 13-də isə Xədicə İsmayıla qarşı mənimsəmə, vergi ödəməkdən yayınma, vəzifə səlahiyyətlərindən sui-istifadə və qanunsuz sahibkarlıq fəaliyyətilə bağlı maddələr üzrə əlavə ittihamlar təqdim olunub.