Mənbə: Google

Xameney: İran yəhudilərin aradan qaldırılmasına çağırış etmir

“Bu, o deməkdir ki, Fələstin xalqı - istər müsəlman, istər xristian, istərsə də yəhudi olsun - öz hökumətlərini seçməlidirlər”

İran yəhudi xalqının aradan qaldırılmasına çağırış etmir, amma inanır ki, bütün dinlərə mənsub insanlar İsrailin gələcəyini qərarlaşdırmalıdırlar. İranın Ali Lideri Ayatollah Əli Xameney cümə günü belə deyib.

1979-cu ildə İslam İnqilabından bəri İran İsraili tanımaqdan imtina edib və silahlı Fələstin qruplarını dəstəkləyib. İsrail uzun müddət İranı onu məhv etməkdə günahlandırıb və Tehranı Yaxın Şərqdəki əsas düşməni olaraq görüb.

“İsrail dövlətinin ləğv edilməsinə çağırış yəhudi xalqının aradan qaldırılması demək deyil”,- Xameney Tehranda keçirilmiş İslam konfransında çıxışı zamanı deyib.

“Bu, o deməkdir ki, Fələstin xalqı - istər müsəlman, istər xristian, istərsə də yəhudi olsun - öz hökumətlərini seçməlidirlər”.

İranın daxili və xarici siyasətində ən böyük səlahiyyət sahibi olan Xameney Qərb güclərini Tehrana nüvə proqramı ilə bağlı təzyiq etdiyinə görə tənqid edib.

“Bütün xalqların nüvə enerjisinə ehtiyacı var, amma Qərb inhisarçıları bu enerjini inhisarda saxlamağa çalışırlar ...” Xameney deyib. “Qərblilər bilirlər ki, biz dini inancımıza görə nüvə silahı axtarmırıq”.

İran 2000-ci illərin əvvəllərində Xameney tərəfindən imzalanmış nüvə silahının hazırlanmasını və istifadəsini qadağan edən dini fərmana istinad edərək nüvə bombası hazırlamaq istəyini dəfələrlə rədd edib.

ABŞ kəşfiyyat agentlikləri və Birləşmiş Millətlər Təşkilatının nüvə nəzarət proqramı İranın nüvə proqramını sonradan dayandırdığı bir neçə il ərzində gizli olaraq atom bombası proqramı əldə etdiyinə inanırlar.

Fransa, İngiltərə və Almaniya bu həftə İranın yeraltı zavodda uranın zənginləşdirilməsini bərpa etmək qərarından çox narahat olduqlarını söyləyiblər. Onlar İrana qarşı birbaşa yeni sanksiya tələb ediblər.

İranın bu addımı ABŞ-ın keçən il Tehranın dünya gücləri ilə 2015-ci ildə bağladığı nüvə sazişindən çıxmasına və sanksiyaların bərpasına cavab hesab edilir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/1i9bfw

Ən çox baxılan