Mənbə: google

Vətəndaş İlham Əliyevi məhkəməyə verib

Əminət Əhmədovanın fikrincə, məmurların hərəkətinə görə prezident məsuliyyət daşıyır

Paytaxtın Nəsimi rayonunda yaşayan Əminət Əhmədova Prezident Administrasiyasını və şəxsən prezident İlham Əliyevi məhkəməyə verib. Məmurların onun hüquqlarını pozduğunu, sənədlərini vermədiyini bildirən Ə.Əhmədovanın fikrincə, vəzifəli şəxslərin hərəkətlərinə görə dövlət başçısı məsuliyyət daşıyır.

2014-cü ildə Özbəkistanın paytaxtı Daşkənddən deportasiya olunan Ə.Əhmədova bu barədə qərarı ala bilmədiyini söyləyir. Onun sözlərinə görə, Nəsimi rayonu, Cavadxan küçəsindəki mənzilində yaşayış sahəsi çox kiçikdir, yeni ev almağa da maddi durumu imkan vermir. Ona görə eyvanı artırıb orada yeni mətbəx düzəldib. İcra hakimiyyətindən yeni tikili üçün sənəd almaq istəsə də, ala bilmir.

Ə.Əhmədova hər iki məsələ ilə əlaqədar ayrı-ayrılıqda məhkəməyə müraciət edib. Lakin məhkəmələr onun Prezident Administrasiyası və şəxsən prezidentə qarşı şikayətlərinə baxmaqdan imtina ediblər. Həm 1 saylı Bakı İnzibati-İqtisadi Məhkəməsi, həm də Bakı Apelyasiya Məhkəməsi onun şikayətlərinə baxılmasını mümkün hesab etməyib. Ali Məhkəməyə isə vəkili olmadığına görə şikayət edə bilməyib. O, dövlət hesabına vəkillə təmin olunmaq üçün müraciət etsə də, ərizəsinə müsbət cavab verilməyib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/wseaqn

Ən çox baxılan